കൊച്ചി: സംസ്ഥാനത്ത് സ്വര്‍ണവിലയിൽ വീണ്ടും വര്‍ധനവ്. ഗ്രാമിന് 20 രൂപയും പവന് 160 രൂപയുമാണ് ഇന്ന് വര്‍ധിച്ചത്. ഇതോടെ സ്വര്‍ണവില ഗ്രാമിന് 4,955 രൂപയും പവന് 39,640 രൂപയുമായി. കഴിഞ്ഞ ദിവസങ്ങളില്‍ സ്വര്‍ണവിലയില്‍ തുടര്‍ച്ചയായ വര്‍ധനവ് രേഖപ്പെടുത്തിയിരുന്നു. ഏപ്രില്‍ മാസം ആരംഭിച്ചപ്പോൾ തന്നെ സ്വര്‍ണവില കുത്തനെ ഉയര്‍ന്നിരുന്നു. ഏപ്രില്‍ ഒന്നിന് ഗ്രാമിന് 45 രൂപ സ്വര്‍ണ വില ഉയര്‍ന്നു. ഒരു പവന് സ്വര്‍ണത്തിന് 38480 രൂപയായിരുന്നു അന്നത്തെ സ്വര്‍ണവില.
കൂടാതെ കഴിഞ്ഞ രണ്ടു ദിവസങ്ങളിലായി തുടര്‍ച്ചയായി സ്വര്‍ണവില ഉയരുകയാണ്. കഴിഞ്ഞ ബുധനാഴ്ച 35 രൂപയാണ് വര്‍ധിച്ചത്. ഒരു പവന് സ്വര്‍ണത്തിന് 39480 രൂപയായിരുന്നു ബുധനാഴ്ചത്തെ വില.
