തിരുവനന്തപുരം: ഒടുവിൽ അന്യസംസ്ഥാന തൊഴിലാളികളെ നിയന്ത്രിക്കാൻ ഒരുങ്ങി സർക്കാർ. അതിഥി പോര്ട്ടലില് രജിസ്റ്റര് ചെയ്യിക്കുന്ന പ്രവര്ത്തനങ്ങള്ക്ക് നാളെ തുടക്കമാകും. രജിസ്ട്രേഷന് സമ്പൂര്ണമാക്കാന് തൊഴില് വകുപ്പ് ഉദ്യോഗസ്ഥര് യുദ്ധകാലാടിസ്ഥാനത്തില് പ്രവര്ത്തിക്കണമെന്ന് തൊഴില് മന്ത്രി വി ശിവന്കുട്ടി നിര്ദ്ദേശിച്ചു. പോര്ട്ടലില് ഒരു അന്യസംസ്ഥാന തൊഴിലാളി പോലും രജിസ്റ്റര് ചെയ്യപ്പെടാതെ പോകരുത്. ഇതിന് തൊഴില് വകുപ്പ് ഉദ്യോഗസ്ഥര് പ്രത്യേക ശ്രദ്ധ ചെലുത്തണമെന്നും മന്ത്രി പറഞ്ഞു.
ആവശ്യമെങ്കില് മറ്റു വകുപ്പുകളുടെ കൂടെ സഹകരണത്തോടെ കൂടുതല് ഉദ്യോഗസ്ഥരെയും സന്നദ്ധപ്രവര്ത്തകരെയും ഉള്പ്പെടുത്തി രജിസ്ട്രേഷന് നടപടികള് സമയബന്ധിതമായി പൂര്ത്തിയാക്കും. അന്യസംസ്ഥാന തൊഴിലാളികള് കൂട്ടമായെത്തുന്ന റെയില്വേ സ്റ്റേഷനുകളില് രജിസ്ട്രേഷന് ഹെല്പ് ഡെസ്ക്കുകള് സജ്ജമാക്കുന്ന കാര്യം പരിഗണിക്കുമെന്നും മന്ത്രി പറഞ്ഞു.
