നൂഹ് സംഘർഷത്തിൽ നിന്നുള്ള ദൃശ്യം
ദില്ലി : നൂഹ് കലാപത്തിനു പിന്നിൽ കോൺഗ്രസാണെന്ന ആരോപണവുമായി ഹരിയാന ആഭ്യന്തരമന്ത്രി അനിൽ വിജ് രംഗത്ത് വന്നു . നൂഹ് കലാപവുമായി ബന്ധപ്പെട്ട അന്വേഷണവിവരങ്ങൾ പത്രസമ്മേളനത്തിൽ വിശദീകരിക്കവെയായിരുന്നു ആഭ്യന്തരമന്ത്രിയുടെ ആരോപണം. വിശ്വഹിന്ദു പരിഷത്തിന്റെ നേതൃത്വത്തിൽ ജൂലൈ 31 ന് നടന്ന ശോഭായാത്രയ്ക്കിടെ ഉണ്ടായ കല്ലേറിനെത്തുടർന്നുണ്ടായ സംഘർഷത്തിൽ രണ്ട് ഹോം ഗാർഡുകളും ഒരു പുരോഹിതനും ഉൾപ്പെടെ ആറു പേരാണ് കൊല്ലപ്പെട്ടത്.
കലാപവുമായി ബന്ധപ്പെട്ട് 510 പേർ അറസ്റ്റിലായെന്നും, കേസുകളുമായി ബന്ധപ്പെട്ട് 140 എഫ്ഐആറുകൾ രജിസ്റ്റർ ചെയ്തെന്നും അനിൽ വിജ് വെളിപ്പെടുത്തി.
‘‘നൂഹ് കലാപവുമായി ബന്ധപ്പെട്ട് ആദ്യഘട്ട അന്വേഷണം പുരോഗമിക്കുമ്പോൾ 510 ആളുകളുടെ അറസ്റ്റ് രേഖപ്പെടുത്തിയിട്ടുണ്ട്. 140 എഫ്ഐആറുകൾ രജിസ്റ്റർ ചെയ്തു. പലരേയും ചോദ്യം ചെയ്തതിൽനിന്നും കലാപത്തിനു പിന്നിൽ കോൺഗ്രസ് ആണെന്നു വ്യക്തമായിട്ടുണ്ട്. കലാപത്തിനു തൊട്ടുമുൻപ് കലാപം ബാധിച്ച പ്രദേശങ്ങൾ കോൺഗ്രസ് എംഎൽഎ മാമ്മൻ ഖാൻ സന്ദർശിച്ചതിനു തെളിവുകളുണ്ട്. ഈ സാഹചര്യത്തിൽ ഓഗസ്റ്റ് 30ന് ചോദ്യം ചെയ്യലിനു ഹാജരാകാൻ മാമ്മൻ ഖാന് നോട്ടീസ് നൽകി.’’–അനിൽ വിജ് വ്യക്തമാക്കി.
അതിനിടെ, നൂഹ് കലാപവുമായി ബന്ധപ്പെട്ട് കോൺഗ്രസ് നിശബ്ദത അവസാനിപ്പിക്കണമെന്നാവശ്യപ്പെട്ട് ഹരിയാന മുഖ്യമന്ത്രി മനോഹർ ലാൽ ഖട്ടറും രംഗത്ത് വന്നു.
‘‘കലാപവുമായി ബന്ധപ്പെട്ട് ഒരാൾ മാത്രമല്ല, പല കോൺഗ്രസ് എംഎൽഎമാരും പ്രവർത്തിച്ചതായി സംശയമുണ്ട്. നൂഹ് വിഷയത്തിൽ കോൺഗ്രസ് നിശബ്ദത പാലിക്കുകയാണ്. കലാപവുമായി ബന്ധപ്പെട്ട് യാതൊന്നും അവർ പറയുന്നില്ല. ആ നിശബ്ദത തന്നെ ദുരൂഹത ഉയർത്തുന്നതാണ്. കലാപവുമായി ബന്ധപ്പെട്ട് കൃത്യതയാർന്ന അന്വേഷണമാണ് നടക്കുന്നത്. കലാപത്തിനു പിന്നിൽ ആരാണ് എന്നത് പുറത്തുകൊണ്ടുവരും’’– ഖട്ടർ പറഞ്ഞു.
ഹൈദരാബാദിൽ സംഘടിപ്പിച്ച കോൺഗ്രസിന്റെ ഭാരത് സമ്മിറ്റ് 2026-ൽ ഇറ്റാലിയൻ രാഷ്ട്രീയ നേതാവായ ജിയാക്കോമോ ഫിലിബെക്ക് 'വോട്ട് ചോർ, ഗദ്ദി ഛോഡ്'…
ലോകപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ കാർത്തിക പൊങ്കാല മഹോത്സവത്തിന് മുന്നോടിയായുള്ള പവിത്രമായ കാർത്തിക സ്തംഭം ഉയർത്തൽ ചടങ്ങ് ഭക്തിനിർഭരമായി പൂർത്തിയായി.…
മനുഷ്യനെ യഥാർത്ഥ മനുഷ്യനായി ജീവിക്കാൻ പ്രാപ്തനാക്കുന്ന മഹത്തായ അറിവാണ് ഭാരതത്തിന്റെ പവിത്രമായ വേദങ്ങൾ പകർന്നുനൽകുന്നതെന്നും, ആ വേദപഠനത്തെ സാധാരണക്കാരിലേക്ക് എത്തിക്കുന്ന…
ആചാരാനുഷ്ഠാനങ്ങളുടെ പുണ്യവും ദേശഭക്തിയുടെ ഊർജ്ജവും നിറഞ്ഞുനിൽക്കുന്ന ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക സ്തംഭം ഉയർത്തുന്ന ചടങ്ങ് ഇന്ന് നടക്കും.…
ബെംഗളൂരുവിലെ പുതുതായി ഉദ്ഘാടനം ചെയ്ത പിങ്ക് ലൈൻ മെട്രോയിൽ പ്രധാനമന്ത്രി നരേന്ദ്ര മോദിക്കൊപ്പം നടത്തിയ യാത്രയ്ക്കിടെയുണ്ടായ രസകരമായ അനുഭവം പങ്കുവെച്ച്…
അണ്ടർ 19 ഏഷ്യാ കപ്പ് ക്രിക്കറ്റ് ഫൈനലിൽ പാക്കിസ്ഥാനെ പരാജയപ്പെടുത്തി ഇന്ത്യ കിരീടം സ്വന്തമാക്കിയതിന് പിന്നാലെ മകൻ ആര്യവീർ സേവാഗുമായുള്ള…