ദില്ലിയിൽ ആം ആദ്മി പാർട്ടിക്ക് കനത്ത തിരിച്ചടി ! പാർട്ടിയിൽ നിന്നും മന്ത്രിസഭയിൽ നിന്നും രാജിവച്ച് മുതിർന്ന നേതാവ് കൈലാഷ് ഗെഹ്‌ലോട്ട് !

ദില്ലി : നിയമസഭാ തെരഞ്ഞെടുപ്പിന് മാസങ്ങൾ മാത്രം ബാക്കി നിൽക്കെ ദില്ലിയിൽ ആം ആദ്മി പാർട്ടിക്ക് കനത്ത തിരിച്ചടി നൽകിക്കൊണ്ട് ദില്ലി മന്ത്രിയും മുതിര്‍ന്ന നേതാവുമായ കൈലാഷ് ഗെഹ്‌ലോട്ട് പാര്‍ട്ടിയില്‍ നിന്നും മന്ത്രിസഭയില്‍നിന്നും രാജിവച്ചു. ഗതാഗതം, ഐടി, വനിതാശിശുക്ഷേമ വകുപ്പുകൾ കൈകാര്യം ചെയ്തിരുന്ന ഗെഹ്‌ലോട്ട് കൈലാഷ് മുഖ്യമന്ത്രി അതിഷി മർലെനയ്ക്ക് രാജിക്കത്ത് കൈമാറി.

പാര്‍ട്ടിക്കുള്ളിലെ ആഭ്യന്തര കലഹങ്ങളാണ് കൈലാഷ് ഗെഹ്ലോട്ടിന്റ രാജിയിലേക്ക് നയിച്ചത്. ആം ആദ്മി പാര്‍ട്ടിയുടെ പ്രാഥമിക അംഗത്വത്തില്‍ നിന്നും ഗെഹ്‌ലോട്ട് രാജിവച്ചു. ഇക്കാര്യം വ്യക്തമാക്കി അദ്ദേഹം പാര്‍ട്ടി ദേശീയ കണ്‍വീനര്‍ അരവിന്ദ് കെജ്‌രിവാളിനും കത്ത് നല്‍കി.

“ലജ്ജാകരമായ നിരവധി വിവാദങ്ങള്‍ ഉണ്ടായി. ഇപ്പോഴും ജനങ്ങൾ ആം ആദ്മിയില്‍ വിശ്വസിക്കുന്നുണ്ടോ എന്ന് എല്ലാവരും സംശയിക്കുന്നു.ദില്ലി സർക്കാർ ഭൂരിഭാഗം സമയവും കേന്ദ്രവുമായി പോരാടാന്‍ വിനിയോഗിക്കുന്നതിനാല്‍ ദില്ലിക്ക് യഥാര്‍ത്ഥ പുരോഗതി ഉണ്ടാകില്ലെന്ന് ഇപ്പോള്‍ വ്യക്തമാണ്. ആം ആദ്മി പാര്‍ട്ടിയില്‍ നിന്ന് വിട്ടുനില്‍ക്കുകയല്ലാതെ മറ്റൊരു വഴിയുമില്ലെന്ന് തോന്നുന്നു. അതിനാല്‍ ആം ആദ്മി പാര്‍ട്ടിയുടെ പ്രാഥമിക അംഗത്വത്തില്‍ നിന്ന് ഞാന്‍ രാജിവെക്കുന്നു.- കത്തില്‍ അശോക് ഗെഹ്‌ലോട്ട് പറഞ്ഞു.