ബംഗാൾ ഉൾക്കടലിൽ ന്യൂനമർദം; ഒഡീഷയിൽ കനത്ത മഴയ്ക്ക് സാധ്യത

പടിഞ്ഞാറൻ-മധ്യത്തിലും അതിനോട് ചേർന്നുള്ള വടക്ക്-പടിഞ്ഞാറൻ ബംഗാൾ ഉൾക്കടലിലും ന്യൂനമർദം ശക്തി പ്രാപിക്കുന്നതിനെ തുടർന്ന് ഒഡീഷയിലുടനീളം കനത്ത മഴ പെയ്യുമെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) ഞായറാഴ്ച്ച പ്രവചിച്ചു

ഗോപാൽപൂരിൽ നിന്ന് ഏകദേശം 20 കിലോമീറ്റർ വടക്ക് പടിഞ്ഞാറുള്ള ഈ സംവിധാനം ദുർബലമാകുന്നതിന് മുമ്പ് അടുത്ത 24 മണിക്കൂറിനുള്ളിൽ തെക്കൻ ഒഡീഷയിലും ഛത്തീസ്ഗഡിലും പടിഞ്ഞാറ്-വടക്കുപടിഞ്ഞാറായി നീങ്ങാൻ സാധ്യതയുണ്ടെന്ന് ഐഎംഡി അറിയിച്ചു.

ഇന്നലെ മുതൽ ഒഡീഷയുടെ പല ഭാഗങ്ങളിലും മഴ തുടങ്ങിയിരുന്നു.ന്യൂനമർദം മൂലം ഒഡീഷയിൽ വ്യാപകമായ മഴ ലഭിച്ചിട്ടുണ്ടെന്നും ഞായറാഴ്ച്ച പുലർച്ചെ 5.30 വരെ ധേങ്കനാലിൽ 114 മില്ലിമീറ്റർ മഴയും തുടർന്ന് കോരാപുട്ടിൽ 106 മില്ലിമീറ്ററും മഴ ലഭിച്ചതായും മുതിർന്ന കാലാവസ്ഥാ ശാസ്ത്രജ്ഞൻ യു.എസ്.ഡാഷ് പറഞ്ഞു.

വീടുകളിൽ നിന്ന് ഇറങ്ങുന്നതിന് മുമ്പ് റോഡിന്റെ അവസ്ഥയും ഗതാഗതക്കുരുക്കും പരിശോധിക്കാനും ആളുകളോട് കാലാവസ്ഥ വകുപ്പ് അഭ്യർത്ഥിച്ചു.

രണ്ട് നഗരങ്ങളിലും അതിശക്തമായ മഴയുണ്ടാകുമെന്ന് പ്രതീക്ഷിക്കുന്നു.

സെപ്തംബർ 12 രാവിലെ 8.30 വരെ നബരംഗ്പൂർ, കലഹന്ദി, കന്ധമാൽ, നുവാപഡ, ബലംഗീർ, സോനേപൂർ, ബൗധ്, ബർഗഡ് എന്നീ ജില്ലകളിൽ കനത്തതോ അതിശക്തമായതോ ആയ മഴയ്ക്ക് കാലാവസ്ഥാ നിരീക്ഷകൻ ഓറഞ്ച് അലർട്ടും നൽകിയിട്ടുണ്ട്.

ഖുർദ, കട്ടക്ക്, സംബൽപൂർ, ഝാർസുഗുഡ, അംഗുൽ, ധേൻകനൽ, ഗഞ്ചം, നയാഗർ, മയൂർഭഞ്ച്, കിയോഞ്ജർ, സുന്ദർഗഡ്, രായഗഡ, കോരാപുട്ട്, ഗജപതി, ദിയോഗർ, പുരി എന്നിവിടങ്ങളിൽ കനത്ത മഴയ്ക്കുള്ള മഞ്ഞ അലർട്ട് പ്രഖ്യാപിച്ചു.