പനാജി: ഹിന്ദുക്കളെ പ്രേരിപ്പിച്ച് മതം മാറ്റാൻ ശ്രമിച്ചപാസ്റ്ററും ഭാര്യയും അറസ്റ്റിൽ. സാലിഗാവോ സ്വദേശികളായ ഡൊമിനിക് ഡിസൂസ ഭാര്യ ജോവാൻ എന്നിവരാണ് പണം വാഗ്ദാനം ചെയ്തും, രോഗാശാന്തിയുടെ പേരിലും ഹിന്ദുക്കളെ മതം മാറ്റാൻ ശ്രമിച്ചത്. ഇവരെക്കുറിച്ച് പ്രദേശവാസികളിൽ നിന്നും നിരവധി പരാതികൾ പോലീസിന് ലഭിച്ചിരുന്നതിന്റെ അടിസ്ഥാനത്തിലാണ് നടപടി.
ഇന്നലെ രാത്രിയോടെയാണ് ഇവരുടെ അറസ്റ്റ് പോലീസ് രേഖപ്പെടുത്തിയത്. പരാതിയുടെ അടിസ്ഥാനത്തിൽ വീട്ടിൽ എത്തിയ പോലീസ് ഇരുവരെയും കസ്റ്റഡിയിൽ എടുത്ത് സ്റ്റേഷനിലേക്ക് കൊണ്ടുപോകുകയായിരുന്നു. ഇതിന് ശേഷം അറസ്റ്റ് രേഖപ്പെടുത്തി. സംഭവത്തിൽ രണ്ട് എഫ്ഐആറുകളാണ് ഇവർക്കെതിരെ രജിസ്റ്റർ ചെയ്തിട്ടുള്ളത്.
മതം മാറുന്നവർക്ക് പണം വാഗ്ദാനം ചെയ്തു, രോഗശാന്തിയുണ്ടാകുമെന്ന് വിശ്വസിപ്പിച്ചുമായിരുന്നു ഇവരുടെ മതപരിവർത്തന ശ്രമം. ക്രിസ്തു മതം സ്വീകരിക്കാനാവശ്യപ്പെട്ട് പ്രദേശവാസികളിൽ ചിലരെ ഇവർ സമീപിച്ചിരുന്നു. ഇവരാണ് പോലീസിൽ പരാതി നൽകിയത്.
ഇന്ത്യൻ ശിക്ഷാ നിയമത്തിലെ വിവിധ വകുപ്പുകൾ പ്രകാരമാണ് പോലീസ് കേസ് എടുത്തത്. ഇരുവരെയും ഇന്ന് കോടതിയിൽ ഹാജരാക്കും