കോയമ്പത്തൂരിൽ കാട്ടാന കൊലയാനയായി;രണ്ടിടങ്ങളിലായി രണ്ട് മരണം

കോയമ്പത്തൂർ : മാങ്ങരയിലെ രണ്ട് വ്യത്യസ്ത സ്ഥലങ്ങളിലുണ്ടായ കാട്ടാന ആക്രമണത്തിൽ രണ്ടുപേർ മരിച്ചു. മാങ്ങര സ്വദേശി മഹേഷ് കുമാർ, തൂവപതിയിൽ മരുതാചലം എന്നിവരാണ് മരിച്ചത്. കൃഷിയിടത്തിൽ കൃഷി നശിപ്പിക്കാനെത്തിയ ആനക്കൂട്ടത്തെ ഓടിക്കുന്നതിനിടെ ആദ്യം പിന്തിരിഞ്ഞ ആനക്കൂട്ടം തിരികെ പാഞ്ഞെടുത്തു നടത്തിയ ആക്രമണത്തിലാണ് മഹേഷ് മരിച്ചത്. . തൂവപതിയിൽ പ്രഭാതകൃത്യം നിർവഹിക്കാനിറങ്ങിയപ്പോഴാണ് മരുതാചലത്തിന് ഒറ്റയാന്റെ ആക്രമണത്തിൽ ജീവൻ നഷ്ടമായത്.

ഇരുവരുടെയും മൃതദേഹം കോയമ്പത്തൂർ മെഡിക്കൽ കോളജിലേക്ക് മാറ്റിയിട്ടുണ്ട് . മരണപ്പെട്ടവരുടെ കുടുംബത്തിന് അടിയന്തര ധനസഹായം അനുവദിക്കുമെന്നും അക്രമകാരികളായ ആനക്കൂട്ടത്തെ പ്രദേശത്ത് നിന്ന് തുരത്താനുള്ള ശ്രമം ആരംഭിച്ചതായും തമിഴ്നാട് വനംവകുപ്പ് അധികൃതർ അറിയിച്ചു.