മുല്ലപ്പെരിയാറിൽ ജലനിരപ്പ് 141 അടിയായി ഉയർന്നു : മുന്നറിയിപ്പ് നൽകി തമിഴ് നാട്

മുല്ലപ്പെരിയാറിൽ ജലനിരപ്പ് 141 അടിയായി ഉയർന്നതോടെ ജാഗ്രത നിർദ്ദേശവുമായി തമിഴ്‌ നാട്. മുല്ലപ്പെരിയാറുമായി ബന്ധപ്പെട്ട് തമിഴ് നാടിൻറെ രണ്ടാം മുന്നറിയിപ്പാണിത്. ഡിസംബര്‍ മൂന്നിനാണ് 140 അടിയായി ഡാമിൻ്റെ ജലനിരപ്പ് ഉയർന്നത് . മഴ കാരണം തമിഴ്‌നാട് കൊണ്ടുപോകുന്ന വെള്ളത്തിന്റെ അളവ് കുറഞ്ഞതാണ് ജലനിരപ്പ് ഉയരാന്‍ കാരണമായാത്.

സെക്കന്റില്‍ 511 ഘനയടി വെള്ളമാണ് തമിഴ്‌നാട് കൊണ്ടു പോകുന്നത്. മുല്ലപ്പെരിയാറില്‍ സംഭരിക്കാനാവുന്ന പരമാവധി സംഭരണശേഷി 142 അടി വെള്ളമാണ് . ഇതിന് മുകളിലേക്ക് ജലനിരപ്പ് ഉയർന്നാൽ സ്പിൽവേ ഷട്ടറുകൾ തമിഴ്‌നാട് തുറക്കുമെന്ന് അറിയിച്ചിട്ടുണ്ട് .പെരിയാറിന്റെ തീരപ്രദേശങ്ങളിൽ ജാഗ്രത നിർദേശം നൽകി. . ഷട്ടറുകൾ തുറന്നാൽ എടുക്കേണ്ട മുൻകരുതലുകൾ പൂർത്തിയാക്കിയിട്ടുണ്ടെന്ന് ഇടുക്കി ജില്ലാ ഭരണകൂടം അറിയിച്ചിട്ടുണ്ട്.