തിരുവനന്തപുരം : പ്രവേശനോത്സവവും ആഘോഷപരിപാടികളും നടക്കാനിരിക്കെയാണ് തിരുവനന്തപുരം മാറനല്ലൂരിൽ സര്ക്കാര് സ്കൂൾ കെട്ടിടത്തിന്റെ ചുമരിടിഞ്ഞ് വീണത്. കണ്ടല സർക്കാർ സ്കൂളിന്റെ ചുമരിന്റെ ഒരു ഭാഗമാണ് പൂർണ്ണമായും ഇടിഞ്ഞ് വീണത്.സ്കൂളിൽ കുട്ടികളെത്തുന്നതിന് തൊട്ടുമുൻപാണ് അപകടം ഉണ്ടായത്.
ഈ സമയത്ത് സ്കൂളിൽ ആരും ഇല്ലാതിരുന്നത് വലിയ ആശ്വാമാണ്.തലനാരിഴയ്ക്കാണ് വലിയ അപകടം ഒഴിവായത്.പുതിയ കെട്ടിടത്തിന്റെ പുറം ഭാഗത്തുള്ള ചുമരാണ് ഇടിഞ്ഞ് വീണത്. നിർമ്മാണത്തിൽ പിശക് വന്നത് ആണെന്നാണ് നിഗമനം. അപകടത്തിന് പിന്നാലെ നിർമ്മാണത്തിൽ ക്രമക്കേട് ആരോപിച്ച് നാട്ടുകാർ രംഗത്തെത്തി.
