55 വർഷങ്ങൾക്ക് ശേഷം വീണ്ടും അയൽ രാജ്യത്തേക്ക് ചൂളംവിളി; 1965ൽ നിർത്തിവച്ച പാതയിൽ ട്രെയിൻ ഗതാഗതം പുനസ്ഥാപിച്ച് ഭാരതം

ദില്ലി: 55 വര്‍ഷങ്ങള്‍ക്ക് ശേഷം വീണ്ടും ഇന്ത്യയില്‍ നിന്നും ബംഗ്ലാദേശിലേക്ക് ചൂളംവിളി. 1965 മുതല്‍ നിര്‍ത്തിവച്ചതുമായ ട്രെയിന്‍ സര്‍വീസ് പുനരാരംഭിച്ച്‌ ഇന്ത്യയും ബംഗ്ലാദേശും. പശ്ചിമ ബംഗാളിലെ ഹൽദിബാരി മുതൽ ബംഗ്ലാദേശിലെ ചിലഹരി വരെ ബന്ധപ്പെടുത്തിയുള്ള ട്രെയിൻ സർവീസാണ് ഇന്നുമുതൽ പുനരാരംഭിച്ചിരിക്കുന്നത്. പ്രധാനമന്ത്രി നരേന്ദ്ര മോദിയും ബംഗ്ലാദേശ് പ്രധാനമന്ത്രി ഷെയ്ഖ് ഹസീനയും ഇന്ന് ഓൺലൈനിലൂടെ നടത്തിയ കൂടിക്കാഴ്ചയിലാണ് ട്രെയിൻ സർവീസിന് തുടക്കം കുറിച്ചത്.

ആദ്യ ഘട്ടത്തിൽ ചരക്ക് നീക്കത്തിന് മാത്രമാവും ഈ പാത ഉപയോഗിക്കുക, എന്നാൽ പിന്നീട് പാസഞ്ചർ സർവീസുകളും ഇതു വഴി ആരംഭിക്കും. പ്രധാനമന്ത്രി നരേന്ദ്ര മോദിയും ബംഗ്ലാദേശ് പ്രധാനമന്ത്രി ഷെയ്ഖ് ഹസീനയും ഇന്ന് ഓണ്‍ലൈനിലൂടെ നടത്തിയ കൂടിക്കാഴ്ചയിലാണ് ട്രെയിന്‍ സര്‍വീസിന് വീണ്ടും തുടക്കം കുറിച്ചത്. ആദ്യ ഘട്ടത്തിൽ ചരക്ക് ഗതാഗതത്തിന്‌ മാത്രമാവും ഈ പാത ഉപയോഗിക്കുക, എന്നാൽ പിന്നീട് പാസഞ്ചർ സർവീസുകളും ഇതു വഴി ആരംഭിക്കും. നോർത്ത് ഈസ്റ്റ് ഫ്രോണ്ടിയർ റെയിൽവേയുടെ കീഴിലാണ് ഈ പാത വരുന്നത്. അന്താരാഷ്ട്ര അതിർത്തിമുതൽ ഹൽദിബാരി റെയിൽവേ സ്റ്റേഷൻ വരെ 4.5 കിലോമീറ്റർ ദൂരമാണുള്ളത്. എന്നാൽ ഈ പദ്ധതിയിൽ ഉൾപ്പെടുത്തി ഇന്ത്യയുടെ വിവിധ ഭാഗങ്ങളെ ബന്ധിപ്പിച്ച് 75 കിലോമീറ്ററോളം നീളത്തിലുള്ള റെയിൽവേ പാതയാണ് വികസിപ്പിച്ചിട്ടുള്ളത്.