അതിർത്തി പ്രദേശങ്ങളിൽ രഹസ്യാന്വേഷണ സംവിധാനം ശക്തിപ്പെടുത്തി ഇന്ത്യ ;ജമ്മു കശ്മീരിൽ പ്രത്യേക ശ്രദ്ധ കേന്ദ്രീകരിക്കുന്നു

അതിർത്തി പ്രദേശങ്ങളിലെ രഹസ്യാന്വേഷണ സംവിധാനം ശക്തിപ്പെടുത്തി ഇന്ത്യ.ജമ്മു കാശ്മീരിൽ പ്രത്യേക ശ്രദ്ധ കേന്ദ്രീകരിക്കാനാണ് നീക്കം.നിരവധി സായുധ പോലീസ് സേനകളോട് അവരുടെ രഹസ്യാന്വേഷണ ശേഖരണ സംവിധാനം എത്രയും വേഗം വർദ്ധിപ്പിക്കാനും ആവശ്യമായ അടിസ്ഥാന സൗകര്യങ്ങൾ ലഭ്യമാക്കാനും ആവശ്യപ്പെട്ടിട്ടുണ്ടെന്ന് വൃത്തങ്ങൾ അറിയിച്ചു.കേന്ദ്ര സർക്കാരിൽ നിന്ന് ഈ നിർദ്ദേശങ്ങൾ ലഭിച്ചതിന് തൊട്ടുപിന്നാലെ, ഇൻഡോ-ടിബറ്റൻ ബോർഡർ പോലീസ് (ഐടിബിപി), സെൻട്രൽ റിസർവ് പോലീസ് ഫോഴ്സ് (സിആർപിഎഫ്) തുടങ്ങിയ സുരക്ഷാ സേനകൾ ചൈനയുടെ നിയന്ത്രണ രേഖയ്ക്കും ജമ്മു കാശ്മീരിനും സമീപം അവരുടെ രഹസ്യാന്വേഷണ ശേഖരണ സംവിധാനം വർദ്ധിപ്പിക്കുന്നതിനുള്ള പ്രക്രിയ ആരംഭിച്ചു.

സാഹചര്യം കണക്കിലെടുത്ത് ചൈനയുടെ നിയന്ത്രണ രേഖയ്ക്ക് സമീപവും ജമ്മു കശ്മീർ ഭാഗത്തേക്കും രഹസ്യാന്വേഷണ സംവിധാനം വർദ്ധിപ്പിക്കേണ്ടത് അടിയന്തിര ആവശ്യമാണെന്ന് ഉദ്യോഗസ്ഥർ പറഞ്ഞു. രഹസ്യാന്വേഷണ സംവിധാനം വർദ്ധിപ്പിക്കുന്ന കാര്യം കേന്ദ്ര സർക്കാർ യോഗത്തിൽ നേരത്തെ ചർച്ച ചെയ്തിരുന്നു.