യോഗ ദിനത്തിൽ സ്വയം പ്രകാശിക്കാം, മറ്റുള്ളവർക്ക് പ്രകാശമാകാം: വൈറലായി മോഹൻലാലിൻറെ ഫേസ്ബുക്ക് പോസ്റ്റ്

രാജ്യാന്തര യോഗ ദിനത്തോടനുബന്ധിച്ച് സമൂഹ മാധ്യമങ്ങളിൽ നിരവധി യോഗ അനുബന്ധ പോസ്റ്റുകളാണ് വൈറലാകുന്നത്. തന്റെ ഫാൻസിനും ഫോളോവെഴ്‌സിനുമായി ഫിറ്റ്നസ് പ്രേമികളായ നിരവധി സിനിമാതാരങ്ങളാണ് വീഡിയോയും, ചിത്രങ്ങളും പങ്കുവെക്കുന്നത്. ഓരോ യോഗ ദിനത്തിനും ആരോഗ്യത്തിനും മാനസികസൗഖ്യത്തിനുമെല്ലാം യോഗ എത്രത്തോളം ഗുണകരമാണെന്ന് എല്ലാവരെയും ഓർമപ്പെടുത്തുകയാണ്. ഇപ്പോഴിതാ മലയാള സിനിമയുടെ താരരാജാവ് മോഹൻലാൽ മുതൽ ബോളിവുഡിന്റെ ശിൽപ്പഷെട്ടി വരെ യോഗയുടെ ആരാധകരാണ്. യോഗദിനത്തോട് അനുബന്ധിച്ച് മോഹൻലാൽ പങ്കുവച്ച ഒരു കുറിപ്പാണ് ഇപ്പോൾ ശ്രദ്ധ നേടുന്നത്.

“ഓരോ ശ്വാസത്തിലും നാം ഭാവിയെ അകത്തേക്കും ഭൂതത്തെ പുറത്തേക്കും വമിക്കുന്നുവെന്നാണ് പറയുക. രോഗാണുവിനെ ശ്വസിക്കേണ്ടിവരുന്ന ഈ ദശാസന്ധിയേയും നാം മറികടക്കും. നമുക്ക് മാസ്‌കോടു കൂടി തന്നെ പ്രത്യാശാപൂർവമായ ഭാവിയെ ശ്വസിച്ചും കെട്ടകാലത്തിൻ്റെ ഭൂതാവശിഷ്ടങ്ങളെ നിശ്വസിച്ചും ഈ ലോക യോഗാ ദിനത്തിൽ സ്വയം പ്രകാശിക്കാം, മറ്റുള്ളവർക്ക് പ്രകാശമാകാം. ആശംസകൾ.” എന്നാണ് മോഹൻലാൽ യോഗദിനത്തിൽ ചിത്രം പങ്കുവെച്ചുകൊണ്ട് കുറിച്ചത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്‌സിൻ എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona