വരുന്നത് ഇന്റർനെറ്റ് വിപ്ലവം, ഇന്ത്യ വേറെ ലെവലിലെത്തും

രാജ്യത്ത് ഇനിയും ഇന്റർനെറ്റ് ഉപയോഗം കുതിക്കുമെന്ന് സിസ്‌കോ. 2023 ആകുമ്പോഴേക്കും ഇന്ത്യയിൽ 907 മില്യൺ ഇന്റർനെറ്റ് ഉപയോക്താക്കളുണ്ടാവും എന്നാണ് സിസ്കോയുടെ റിപ്പോർട്ട് പറയുന്നത്. അതായത് രാജ്യത്തെ ജനസംഖ്യയുടെ 64 ശതമാനം ആളുകൾ 2023-ൽ ഇന്റർനെറ്റ് ഉപയോഗിക്കും. നിലവിൽ അര ബില്യണിലധികം ആളുകൾ രാജ്യത്ത് ഇന്റർനെറ്റ് ഉപയോഗിക്കുന്നുണ്ട്.

സിസ്‌കോയുടെ വാര്‍ഷിക ഇന്റര്‍നെറ്റ് റിപ്പോര്‍ട്ട് 2018-2023 അനുസരിച്ച് ഇന്ത്യയില്‍ 2023 ആകുമ്പോഴേക്കും 966 മില്യണ്‍ മൊബൈൽ യൂസർമാരുണ്ടാവും, 2018-ലെ 763 മില്യണില്‍ നിന്ന് 56 ശതമാനം വളർച്ചയാണുണ്ടാവുക.

2023 ആകുമ്പോഴേക്കും നെറ്റ്‌വര്‍ക്ക് ഡിവൈസുകളിലെ സ്മാർട്ഫോണുകളുടെ വിഹിതം 38 ശതമാനം (781 ദശലക്ഷം) വരും. കണക്റ്റഡ് ടിവികളുടെ വിഹിതം 12 ശതമാനം (255.8 ദശലക്ഷം) ആയി വർധിക്കും എന്നാണ് പ്രതീക്ഷിക്കുന്നത്.

ദിവസം 2 ജിബി ഡാറ്റ വേണോ? ഇതാണ് ഏറ്റവും മികച്ച പ്ലാനുകൾ

രാജ്യത്ത് 2.1 ബില്യണ്‍ നെറ്റ്‌വര്‍ക്ക് ഡിവൈസുകളാണ് 2023 ആകുമ്പോഴേക്കും ഉണ്ടാവുക എന്നാണ് റിപ്പോർട്ട് പറയുന്നത്.

ഡിജിറ്റല്‍ സാക്ഷരത, മൊബൈൽ ഫോണുകളുടെ വ്യാപനം, ഇന്റര്‍നെറ്റ് കണക്റ്റിവിറ്റി എന്നിവ ഉൾനാടുകളിൽ കൂടുതൽ ശക്തിയാർജിച്ച് വളരുമ്പോൾ രാജ്യത്തെ ഇന്റർനെറ്റ് ഉപയോഗത്തിലും ഉപഭോഗ രീതിയിലും വലിയ മാറ്റങ്ങളുണ്ടാകും എന്ന്‌ സിസ്കോ ഇന്ത്യ & സാർക് സർവീസ് പ്രൊവൈഡേഴ്സ് സെയിൽ എംഡി ആനന്ദ് ഭാസ്കർ ഒരു പ്രസ്താവനയിൽ പറഞ്ഞു.

കണക്റ്റിവിറ്റിയുടെ ഈ വർധനയും ഉപഭോഗ രീതികളും മാറുന്നത് സേവന ദാതാക്കളുടെ ഉപഭോക്താക്കളെ മികച്ച രീതിയിൽ സേവിക്കാനുള്ള കഴിവിനെ വെല്ലുവിളിക്കും. ക്ലൗഡ്, എഡ്ജ് കമ്പ്യൂട്ടിംഗിനെ സ്വാധീനിക്കുന്ന വിപുലവും കൂടുതൽ സുരക്ഷിതവുമായ നെറ്റ്‌വർക്കുകൾ, ഒപ്പം എപ്പോഴും വികസിച്ചുകൊണ്ടിരിക്കുന്ന നെറ്റ്‌വർക്ക് കൈകാര്യം ചെയ്യുന്നതിനുള്ള ഓട്ടോമേഷൻ എന്നിവയെല്ലാം അനിവാര്യമാണ്. ഏതെല്ലാം ഡിജിറ്റൽ ലോകത്ത് വേഗത കൈവരിക്കാൻ സഹായിക്കുന്നു എന്നും ഭാസ്‌കർ കൂട്ടിച്ചേർത്തു.