വിജയവാഡ: ആന്ധ്ര മുഖ്യമന്ത്രിയായി വൈ.എസ് ജഗന്മോഹന് റെഡ്ഡി സത്യപ്രതിജ്ഞ ചെയ്ത് അധികാരമേറ്റു. വിജയവാഡയില് സംഘടിപ്പിച്ച ചടങ്ങില് ഗവര്ണര് ഇ എസ് എല് നരസിംഹന് അദ്ദേഹത്തിന് സത്യവാചകം ചൊല്ലിക്കൊടുത്തു.
തുറന്ന ജീപ്പിലാണ് നിയുക്തമുഖ്യമന്ത്രിയായ ജഗന് വേദിയിലേക്ക് എത്തിയത്. വാഹനവ്യൂഹം കടന്നുപോകുമ്പോള് ജനം ഹര്ഷാരവം മുഴക്കി. ആയിരങ്ങളാണ് സത്യപ്രതിജ്ഞാ ചടങ്ങിനെത്തിയത്.
ആന്ധ്രപ്രദേശ് വിഭജനത്തിന് ശേഷമുള്ള സംസ്ഥാനത്തിന്റെ രണ്ടാമത്തെ മുഖ്യമന്ത്രിയാണ് ജഗന്. നിയമസഭാ തിരഞ്ഞെടുപ്പില് അഞ്ചില് നാല് ഭൂരിപക്ഷം നേടി വന് വിജയമാണ് വൈഎസ്ആര് കോണ്ഗ്രസ് കൈവരിച്ചത്.
തെലങ്കാന മുഖ്യമന്ത്രി കെ.ചന്ദ്രശേഖര റാവു ഡി എംകെ അധ്യക്ഷന് എം കെ സ്റ്റാലിന് എന്നിവര് സത്യപ്രതിജ്ഞാ ചടങ്ങിനെത്തിയിരുന്നു. 175 അംഗ നിയമസഭയില് 151 എംഎല്എമാരാണ് വൈഎസ്ആര് കോണ്ഗ്രസിനുള്ളത്.
