ഐഎസ്എല്ലില് രണ്ടാം അങ്കത്തിനിറങ്ങാനൊരുങ്ങി കേരള ബ്ലാസ്റ്റേഴ്സ്. കരുത്തരായ എടികെ മോഹന് ബഗാനാണ് ബ്ലാസ്റ്റേഴ്സിന്റെ എതിരാളികള്. കൊച്ചിയില് രാത്രി 7.30നാണ് മത്സരം ആരംഭിക്കുക.
ഐഎസ്എല്ലിലെ എല് ക്ലാസിക്കോ എന്ന് വിശേഷിപ്പിക്കാറുള്ള മത്സരമാണ് ബ്ലാസ്റ്റേഴ്സും എടികെയും തമ്മിലുള്ളത്. മത്സരത്തിന്റെ ടിക്കറ്റുകളെല്ലാം നേരത്തെ തന്നെ വിറ്റുപോയിരുന്നു. രണ്ട് തവണ കലാശപ്പോരില് കേരളത്തെ വീഴ്ത്തിയ ടീമാണ് എടികെ അതിനാൽ ഈ അവസരം കേരളം ബ്ലാസ്റ്റേഴ്സ് അവരുടെ കഴിവ് തെളിയിക്കാനെടുക്കും. 2014ലും 2016ലും എടികെയ്ക്ക് മുന്നില് ബ്ലാസ്റ്റേഴ്സ് പരാജിതരായിരുന്നു.
ഇത്തവണ ആദ്യ മത്സരത്തില് തകര്പ്പന് വിജയം നല്കുന്ന ആത്മവിശ്വാസവുമായി ബ്ലാസ്റ്റേഴ്സ് എത്തുമ്പോള് തുടക്കത്തില് തന്നെ അടിതെറ്റിയാണ് എടികെയുടെ വരവ്. ബ്ലാസ്റ്റേഴ്സ് കൊച്ചിയില് ഒന്നിനെതിരെ മൂന്ന് ഗോളിന് ഈസ്റ്റ് ബംഗാളിനെ വീഴ്ത്തിയപ്പോള് എടികെ ഒന്നിനെതിരെ രണ്ട് ഗോളിന് ചെന്നൈയിന് എഫ്സിയോട് തോല്ക്കുകയായിരുന്നു.
