Featured

പഞ്ചനക്ഷത്ര വിദേശ ചികിത്സയിൽ പിണറായി മയങ്ങിയോ ?

അസുഖം വന്നാൽ ചികിത്സ തേടണം. ചിലർ സർക്കാർ ആശുപത്രിയിലേക്കും ചിലർ സ്വകാര്യ ആശുപത്രികളിലേക്കും മറ്റുചിലർ പഞ്ചനക്ഷത്ര ആശുപത്രികളിലേക്കും ഇനിയും ചിലർ വിദേശ പഞ്ചനക്ഷത്ര ആശുപത്രികളിലേക്കും പോകും. അവരവരുടെ സാമ്പത്തിക നിലവാരമനുസരിച്ച് പോക്കറ്റിന്റെ കനമനുസരിച്ച് വിവിധ തരത്തിലുള്ള ആശുപത്രികളിൽ ചികിത്സ തേടും. സമൂഹത്തിലെ ഉന്നതരായ ധനാഢ്യന്മാർ പൊങ്ങച്ചം പറയാനായി ചില വിദേശ പഞ്ചനക്ഷത്ര ആശുപത്രികളിൽ ചികിത്സ തേടാറുണ്ട്. സ്വദേശത്ത് ചികിത്സയില്ലാത്ത രോഗങ്ങൾക്ക് ചിലർ വിദേശ ചികിത്സയെ ആശ്രയിക്കാറുണ്ട്. അത്തരത്തിൽ ഒരു വിദേശ പഞ്ചനക്ഷത്ര ആശുപത്രിയാണ് അമേരിക്കയിലെ മയോ ക്ലിനിക്ക് വിദേശത്തുനിന്നുള്ള രോഗികൾക്കായി ഒരു പ്രത്യേക വിഭാഗം തന്നെ ഈ ആശുപത്രിയിലുണ്ട്. ഓൺലൈനിലൂടെ ലഭിക്കുന്ന അപ്പോയ്ന്റ്മെന്റുകളിലൂടെ 130 രാജ്യങ്ങളിൽ നിന്ന് വര്ഷം തോറും ഏതാണ്ട് 13 ലക്ഷം പേർ ചികിത്സ തേടുന്ന അമേരിക്കയിലെ നമ്പർ വൺ റേറ്റഡ് ആശുപത്രിയാണ് മയോ ക്ലിനിക്ക്.

ഇത്തരമൊരു വിദേശ പഞ്ചനക്ഷത്ര ആശുപത്രിയിൽ ചികിത്സ നേടുന്നതിൽ ഒരു വ്യക്തി എന്ന നിലയിൽ പിണറായി വിജയന് തടസ്സമൊന്നുമില്ല.പക്ഷെ അദ്ദേഹം ഈ സംസ്ഥാനം ഭരിക്കുന്ന മുഖ്യമന്ത്രി എന്ന നിലയിൽ സർക്കാർ ഖജനാവിൽ നിന്ന് പണം ചെലവാക്കി, ഭാര്യയേയും ഒരു പേർസണൽ അസ്സിസ്റ്റന്റിനെയും ഒപ്പം കൂട്ടി അമേരിക്കയിലേക്ക് പോകുമ്പോൾ ചില കാര്യങ്ങൾ അദ്ദേഹം പരിഗണിക്കേണ്ടതുണ്ട്. ഇവിടെ ലഭിക്കാത്ത എന്ത് ചികിത്സക്ക് വേണ്ടിയാണ് അദ്ദേഹം വിദേശ ചികിത്സ തെരെഞ്ഞെടുത്തത്. ആരോഗ്യ രംഗത്ത് നമ്പർ വൺ എന്നൊക്കെ പറഞ്ഞ് വീമ്പിളക്കുന്ന ഒരു സംസ്ഥാനത്തെ മുഖ്യമന്ത്രി തന്നെ ഇങ്ങനെ നമ്മുടെ ആരോഗ്യ സംവിധാനങ്ങളെ അവിശ്വസിക്കുന്നത് എന്തുകൊണ്ട്? സംസ്ഥാനത്ത് അത്തരത്തിൽ എന്തെങ്കിലും അസൗകര്യങ്ങൾ ഉള്ളപക്ഷം മറ്റു സംസ്ഥാനങ്ങളിൽ ലഭ്യമായിട്ടുള്ള ആൾ ഇന്ത്യ ഇന്സ്ടിട്യൂറ്റ് ഓഫ് മെഡിക്കൽ സയൻസസ് ഉൾപ്പെടെയുള്ള ആരോഗ്യ സംവിധാനങ്ങൾ മുഖ്യമന്ത്രി എന്ന നിലയിൽ തന്നെ അദ്ദേഹത്തിന് ലഭ്യമായിരുന്നു. ഇതെല്ലാം നിരസിച്ച് കേവലം പഞ്ചനക്ഷത്ര സുഖസൗകര്യങ്ങൾക്ക് മാത്രമായി സംസ്ഥാന ഖജനാവിലെ പണം ഇങ്ങനെ ദുരുപയോഗം ചെയ്യുന്നത് ഒരു ഇടതുപക്ഷ സർക്കാരിന് ഭൂഷണമാണോ. കേരളത്തിലെ ഇ എം എസ് സർക്കാരിനെ മറിച്ചിട്ടത് അമേരിക്കയാണെന്ന് ഇപ്പോഴും വിശ്വസിക്കുന്ന അന്തം കമ്മികൾ ഉള്ള നാട്ടിൽ ഈ അമേരിക്കൻ ചികിത്സ എന്ന തീരുമാനത്തിന് പിന്നിൽ എന്താണ്? പിണറായി മാത്രമല്ല മുഖ്യമന്ത്രി സ്ഥാനത്തുവരുമ്പോൾ ഇത് കമ്മ്യൂണിസ്റ്റുകളുടെ സ്ഥിരം പരിപാടിയായി മാറിയിട്ടുണ്ട്. VS അച്യുതാനന്ദനും EK നായനാറുമെല്ലാം ചികിത്സക്കായി പാശ്ചാത്യ നാടുകളെ ആശ്രയിക്കുന്ന ചരിത്രമുണ്ട്. അമേരിക്കയെയും സാമ്രാജ്യത്വത്തെയും നാട്ടിൽ ജനങ്ങളുടെ മുന്നിൽ അടച്ചധിക്ഷേപിക്കുക. നമ്മുടെ നാട്ടിൽ ഏതെങ്കിലും കോർപ്പറേറ്റ് ആശുപത്രി വന്നാൽ അതിനെ വലിയ സോഷ്യലിസം പറഞ്ഞ് എതിർക്കുക, കൊടികുത്തി ഒട്ടിക്കുക തുടങ്ങിയ പ്രവർത്തനം നടത്തുന്ന കമ്മ്യൂണിസ്റ്റുകൾ ഭരണം കിട്ടിയാൽ ഖജനാവിലെ പണവുമെടുത്ത് സാമ്രാജ്യത്വ രാജ്യങ്ങളിലെ കോര്പറേറ്റ് ആശുപത്രികളിലെ പഞ്ചനക്ഷത്ര ചികിത്സക്കായി ഓടുന്നത് ഇന്നാട്ടിലെ സഖാക്കൾ എങ്ങിനെ ന്യായീകരിക്കും? മയോ ക്ലിനിക് അമേരിക്കയിലെ നമ്പർ വൺ ആശുപത്രിയാണ്. അപ്പോൾ ഒരു എയിംസ് ആശുപത്രി പോലുമില്ലാത്ത നമ്പർ വൺ കേരളത്തിലെ നമ്പർ വൺ മുഖ്യമന്ത്രി പിന്നെ അവിടെക്കല്ലേ പോകേണ്ടത് എന്നായിരിക്കും. പ്രസംഗത്തിനും പ്രവർത്തിക്കും ഒരു ചെറിയ പൊരുതാമെങ്കിലും വേണ്ടേ? ഈ നമ്പർ വൺ കേരളത്തിൽ തന്നെ സഖാവിനു ചികിത്സ തേടാമായിരുന്നു എന്ന് വിചാരിക്കുന്ന അന്തം കമ്മികൾ ഉണ്ട്. ഇവിടെയൊരു കപ്പിത്താൻ ഉള്ളതാണല്ലോ. പക്ഷെ മുള്ളാൻ മുട്ടിയാൽ ഈ കപ്പിത്താൻ പുറകെ വരുന്ന കപ്പൽ കൈകാണിച്ച് നിറത്തിൽ അതിൽ കേറി മുള്ളുന്ന ഏർപ്പാടായിപ്പോയി ഇത്. ക്യൂബയിലെ ആരോഗ്യ സംവിധാനങ്ങളെ ക്കുറിച്ച് തള്ളി മറിച്ചിരുന്ന സഖാക്കളാണ് ഇപ്പൊ ആകെ പെട്ടത്. ഇങ്ങേർക്ക് അമേരിക്കയെ ഒഴിവാക്കി ക്യൂബയിലേക്കെങ്കിലും പൊയ്ക്കൂടായിരുന്നോ? തമാശയൊക്കെ വിടാം. അല്ലയോ മുഖ്യമന്ത്രീ വികസിത രാജ്യങ്ങളിലെ ആരോഗ്യ സംവിധാനങ്ങൾ ഉള്ള നാടാണ് കേരളമെന്ന് താങ്കൾ തന്നെ തല്ലിമറിക്കുമ്പോൾ അങ്ങ് ഇവിടത്തെ അടിസ്ഥാന സൗകര്യങ്ങളെയും മനുഷ്യ ശേഷിയെയും വിശ്വസിക്കണം. അരുൺ ജെറ്റ്‌ലി യുടെയും സുഷമാ സ്വരാജിന്റെയും മാതൃക കാണണം. വലതു കയ്യിൽ അപേക്ഷാഫോമും ഇടതു കയ്യിൽ യൂറിൻ ബാഗുമായി കാരുണ്യ ബനവലന്റ് ഫണ്ടിനായി ക്യു നിൽക്കുന്നവരുടെ നാടാണിത്. കേവലം പഞ്ചനക്ഷത്ര സൗകര്യങ്ങൾക്കായി അവരുടെതന്നെ പണമെടുത്ത് അങ്ങ് വിമാനം കയറരുത്.

B4 Admin

Recent Posts

ഐടി ജോലി ഉപേക്ഷിച്ച് സംരംഭകനായ യുവാവിന് ദാരുണാന്ത്യം: ജെയ്പൂരിൽ കഫേ ഉടമയെ കൊലപ്പെടുത്തിയ കേസിൽ പ്രതികൾ പിടിയിൽ!

രാജസ്ഥാനിലെ ജെയ്പൂരിൽ പ്രമുഖ ബേക്കറിയും കഫേയും നടത്തിവന്നിരുന്ന മയങ്ക് ഗോപാലിയ എന്ന യുവാവ് ക്രൂരമായ ആക്രമണത്തിനൊടുവിൽ മരണത്തിന് കീഴടങ്ങിയത് നഗരത്തിൽ…

4 hours ago

ഊർജ്ജ മേഖലയിൽ വൻ കുതിച്ചുചാട്ടത്തിനൊരുങ്ങി ഭാരതം: വരും വർഷങ്ങളിൽ രാജ്യം പുതിയൊരു എണ്ണ സമ്പന്ന രാജ്യമായി മാറുമെന്ന് വിലയിരുത്തൽ!

എണ്ണ ഇറക്കുമതിക്കായി വലിയ തോതിൽ വിദേശ രാജ്യങ്ങളെ ആശ്രയിക്കുന്ന ഭാരതം നിർണ്ണായകമായ ഊർജ്ജ സ്വയംപര്യാപ്തതയിലേക്കും വൻകിട എണ്ണ വിപ്ലവത്തിലേക്കും ചുവടുവെക്കുന്നതായി…

4 hours ago

നാവികസേനാ കപ്പലുകളുടെ പ്രഹരശേഷി ഇരട്ടിയാകും; ഇസ്രയേൽ എയ്റോസ്പേസുമായി 1976 കോടി രൂപയുടെ നിർണ്ണായക പ്രതിരോധ കരാറൊപ്പിട്ട് ഭാരതം!

സമുദ്രതീര സുരക്ഷ കൂടുതൽ ശക്തമാക്കുന്നതിന്റെ ഭാഗമായി ഇന്ത്യൻ നാവികസേനയുടെ പക്കലുള്ള 'ബരാക്' പ്രതിരോധ മിസൈൽ സംവിധാനം നവീകരിക്കുന്നതിനായി ഇസ്രായേൽ എയ്റോസ്പേസ്…

4 hours ago

ആധുനിക ആയുധശേഖരത്തിൽ വൻ കുറവ്: ഇറാനെതിരായ യുദ്ധത്തിൽ അമേരിക്ക കാലാവധി കഴിഞ്ഞ ടോമഹോക് മിസൈലുകൾ ഉപയോഗിച്ചതായി വെളിപ്പെടുത്തൽ!

ഇറാനുമായുള്ള സംഘർഷത്തിനിടയിൽ കൃത്യതയാർന്ന ആയുധങ്ങളുടെ ലഭ്യതക്കുറവ് രൂക്ഷമായതിനെത്തുടർന്ന്, അമേരിക്കൻ നാവികസേന കാലാവധി കഴിഞ്ഞ ടോമഹോക് (Tomahawk) ക്രൂയിസ് മിസൈലുകൾ പുനരുപയോഗിച്ചെന്ന…

4 hours ago

അക്രമരാഷ്ട്രീയത്തിന്മേൽ നീതിപീഠത്തിന്റെ കനത്ത പ്രഹരം: മണ്ണന്തല രഞ്ജിത്ത് വധക്കേസിൽ രണ്ട് പേർക്ക് ഇരട്ട ജീവപര്യന്തവും ഒൻപത് സിപിഎം പ്രവർത്തകർക്ക് ജീവപര്യന്തം തടവും വിധിച്ചു!

ആർ.എസ്.എസ്. പ്രവർത്തകനായിരുന്ന മണ്ണന്തല രഞ്ജിത്തിനെ ക്രൂരമായി വെട്ടിക്കൊലപ്പെടുത്തിയ കേസിൽ 18 വർഷങ്ങൾക്കിപ്പുറം തിരുവനന്തപുരം അഡീഷണൽ സെഷൻസ് കോടതി ചരിത്രപരമായ ശിക്ഷാവിധി…

4 hours ago

വിദ്യാർത്ഥികളോട് കടുത്ത അനീതിയും സാംസ്കാരിക അസഹിഷ്ണുതയും: മയിൽപ്പീലി സ്കോളർഷിപ്പ് പരീക്ഷ തടഞ്ഞ സർക്കാർ നടപടിക്കെതിരെ ആഞ്ഞടിച്ച് ഉന്നതവിദ്യാഭ്യാസ അദ്ധ്യാപകസംഘം!

ദേശീയ അധ്യാപക പരിഷത്തും മയിൽപ്പീലി മാഗസിനും സംയുക്തമായി നടത്തിവരുന്ന മയിൽപ്പീലി സ്കോളർഷിപ്പ് പരീക്ഷയുടെ സഹകരണത്തിൽ നിന്നും സർക്കാർ പിന്മാറിയത് ആയിരക്കണക്കിന്…

4 hours ago