”കൂടുതൽ വീര്യമുള്ള മദ്യം ഉത്പാദിപ്പിക്കും”: കേരളത്തെ കുടിപ്പിച്ചുകിടത്താൻ പിണറായി സർക്കാർ

തിരുവനന്തപുരം: കേരളത്തെ കുടിപ്പിച്ചുകിടത്താൻ പിണറായി സർക്കാർ. സംസ്ഥാനത്ത് കൂടുതൽ വീര്യമുള്ള മദ്യം ഉത്പാദിപ്പിക്കാൻ സംസ്ഥാന സർക്കാർ ഒരുങ്ങുകയാണെന്നാണ് റിപ്പോർട്ട്. ധനമന്ത്രി കെ.എൻ ബാലഗോപാലാണ് (KN Balagopal)ഇതുസംബന്ധിച്ച വിവരം പുറത്തുവിട്ടത്. സംസ്ഥാന ബജറ്റിന് മുന്നോടിയായായിരുന്നു മന്ത്രിയുടെ പ്രസ്താവന.

അതോടൊപ്പം കേരള ബ്രാൻഡ് മദ്യം വിദേശത്തേയ്‌ക്ക് കയറ്റുമതി ചെയ്യുന്നതും പരിഗണിക്കും. ഇതിനുള്ള നിയമതടസ്സങ്ങൾ മാറ്റാനായുള്ള ശ്രമങ്ങൾ നടക്കുകയാണെന്നും ധനമന്ത്രി അറിയിച്ചു. കാലോചിതമായി പലമേഖലകളിലും നികുതി വർദ്ധനവ് ഉണ്ടാകുമെന്നും മന്ത്രി പറഞ്ഞു. ഉത്പാദന മേഖലയെ പ്രോത്സാഹിപ്പിക്കാനുള്ള നടപടികൾ ആസൂത്രണം ചെയ്യുന്നുണ്ട്.

അതേസമയം സ്വകാര്യ മേഖലയിൽ വ്യവസായ പാർക്കുകൾക്ക് സർക്കാർ സൗകര്യം ചെയ്ത് നൽകും.വീര്യം കുറഞ്ഞ മദ്യം ഉത്പാദിപ്പിക്കുന്നതിന് എക്‌സൈസ് നയത്തിൽ മാറ്റം വരുത്തുമെന്നും മന്ത്രി പറഞ്ഞു.
സാമ്പത്തിക പ്രതിസന്ധിയുടെ സാഹചര്യത്തിൽ നികുതി വർദ്ധനയ്‌ക്ക് സംസ്ഥാന ബജറ്റിൽ നിർദ്ദേശമുണ്ടാകുമെന്നാണ് സൂചന. ധനമന്ത്രി കെഎൻ ബാലഗോപാലിന്റെ ആദ്യത്തെ സമ്പൂർണ ബജറ്റാണ് ഈ മാസം 11ന് നിയമസഭയിൽ അവതരിപ്പിക്കുക.