കവരത്തി: ലക്ഷദ്വീപിലെ കവരത്തിയിൽ ഇന്ത്യൻ ഓയിൽ പെട്രോൾപമ്പ് തുറക്കുന്നു. നാളെയാണ് പുതിയ പെട്രോൾ പമ്പ് തുറക്കുക. ലക്ഷദ്വീപിന്റെ ചുമതലയുളള ബിജെപി ദേശീയ ഉപാദ്ധ്യക്ഷൻ എപി അബ്ദുളളക്കുട്ടിയാണ് ഫേസ്ബുക്കിലൂടെ ഇക്കാര്യം പങ്കുവെച്ചത്.
അതേസമയം ഇനി മുതൽ കേരളത്തെക്കാൾ 3 രൂപ കുറഞ്ഞ വിലയിൽ ദ്വീപുകാർക്ക് പെട്രോളും, ഡീസലും ലഭ്യമാകും. ലിറ്ററിന് 130 രൂപമായായിരുന്ന പെട്രോളിന് ഇനി ദ്വീപുകാർക്ക് 100 താഴെ രൂപാ കൊടുത്താൽമതി. ഐഒസിയുടെ ഡിപ്പോയും പമ്പും കൂടിയാണ് ആരംഭിക്കുന്നത്.
സ്വാതന്ത്ര്യത്തിന്റെ75 വർഷങ്ങൾ പൂർത്തിയായിട്ടും എന്ത്കൊണ്ട് ഒരു പെട്രാൾപമ്പ് വരെ ആ പാവം ജനതയ്ക്ക് നൽകാൻ സാധിച്ചില്ലെന്നും നരേന്ദ്ര മോദിക്ക് എന്ത്കൊണ്ട് സാധിച്ചുവെന്നും അബ്ദുളളക്കുട്ടി ചോദിച്ചു.
മാത്രമല്ല കേന്ദ്ര സർക്കാറിന് അഭിനന്ദനങ്ങൾ അറിയിച്ചായിരുന്നു അദ്ദേഹത്തിന്റെ പോസ്റ്റ്. തുടർന്ന് ലക്ഷദ്വീപ് അഡ്മിൻ പ്രഫുൽ പട്ടേലിന്റെ വികസന രംഗത്തെ മിടുക്കിന് ശത്രുക്കളുടെ പോലും കൈയ്യടി കിട്ടികൊണ്ടിരിക്കുകയാണ് ദ്വീപിലെന്നും അബ്ദുളളക്കുട്ടി പറഞ്ഞു.
