ദില്ലി: എസ്.എൻ.സി. ലാവലിനുമായി ബന്ധപ്പെട്ട ഹർജികൾ പരിഗണിക്കുന്നത് രണ്ടാഴ്ചത്തേക്ക് നീട്ടി വെക്കണമെന്ന് ആവശ്യപ്പെട്ട് സി.ബി.ഐ. അഭിഭാഷകൻ സുപ്രീം കോടതിക്ക് കത്ത് നൽകി. സി.ബി.ഐക്ക് വേണ്ടി അഭിഭാഷകൻ അരവിന്ദ് കുമാർ ശർമയാണ് കത്ത് നൽകിയത്. കേസുമായി ബന്ധപ്പെട്ട രേഖകൾ സമർപ്പിക്കാനാണ് കൂടുതൽ സമയം സി.ബി.ഐ. തേടിയത്.
കേസിന്റെ വസ്തുതകൾ അടങ്ങിയ സമഗ്രമായ നോട്ട് സമർപ്പിക്കാൻ സി.ബി.ഐയോട് നേരത്തെ കോടതി നിർദേശിച്ചിരുന്നു. ഈ നോട്ട് സമർപ്പിക്കാൻ ആണ് കൂടുതൽ സമയം സി.ബി.ഐ. തേടിയിരിക്കുന്നത്. കോവിഡ് പടരുന്ന സാഹചര്യത്തിലാണ് സമഗ്രമായ നോട്ട് സമർപ്പിക്കുന്നത് വൈകുന്നതിന് കാരണമെന്ന് കേന്ദ്ര സർക്കാർ അഭിഭാഷകർ മാധ്യമങ്ങളോട് പറഞ്ഞു.
