ശബരിമല തീർത്ഥാടനത്തിന് മാലയിട്ട് വ്രതം ആരംഭിക്കുന്നതിനൊപ്പം ഒരു തീരുമാനവും എടുത്തിരുന്നു ഉപ്പുതറ എസ്.എച്ച്.ഒ ബേബി ബിജു. ചപ്പാത്ത് ക്ഷേത്രത്തിലെ വിഗ്രഹ മോഷണം നടത്തിയ പ്രതികളെ പിടികൂടിയിട്ടേ ഇത്തവണ മല ചവിട്ടൂ എന്നായിരുന്നു അയ്യപ്പനു മുന്നിലെ ശപഥം. ആ വാക്ക് പാലിച്ചിരിക്കുകയാണ് ബേബി ബിജു. 12 ദിവസം നീണ്ട അന്വേഷണത്തിനൊടുവിൽ മോഷ്ടാക്കളെ തമിഴ്നാട്ടിൽ നിന്ന് പിടികൂടി.
ഇടുക്കി ചപ്പാത്ത് ക്ഷേത്രത്തിലെ വിഗ്രഹ മോഷണമാണ് എസ്.എച്ച്.ഒയ്ക്ക് മുന്നിൽ വെല്ലുവിളിയായത്. ക്ഷേത്രത്തിലെ മോഷണത്തിന് പിന്നിലുള്ളവരെ കണ്ടെത്താൻ അന്വേഷണം ഊർജിതമാക്കിയ പൊലീസ് സംഘം വിവിധ സൂചനകൾ പിന്തുടർന്നാണ് പ്രതികളിലേക്ക് എത്തിയത്. തമിഴ്നാട്ടിൽ നിന്നാണ് പ്രതികളെ പിടികൂടിയത്.
അയ്യപ്പനു മുന്നിൽ എടുത്ത ശപഥം പാലിക്കാനായതിന്റെ ആത്മസംതൃപ്തിയിലാണ് ബേബി ബിജു. കുറ്റവാളികളെ പിടികൂടാനുള്ള ഉത്തരവാദിത്വവും വിശ്വാസത്തിന്റെ ഭാഗമായി എടുത്ത തീരുമാനവും ഒരുമിച്ച് നിറവേറ്റിയതോടെ ഇനി മനസ്സമാധാനത്തോടെ ശബരിമല ദർശനത്തിന് പോകാം. പൊലീസിന്റെ അന്വേഷണ മികവിനൊപ്പം വ്യക്തിപരമായൊരു ശപഥം കൂടി വാർത്തയിൽ ശ്രദ്ധ നേടുകയാണ്.

