കൊച്ചി: വിദ്വേഷ പ്രസംഗക്കേസില് ജാമ്യം റദ്ദാക്കിയ സെഷന്സ് കോടതി വിധിക്കെതിരെ പി സി ജോര്ജ് ഹൈക്കോടതിയില് ഹർജി സമർപ്പിച്ചു. മതസൗഹാര്ദം തകര്ക്കുന്ന രീതിയില് താന് പ്രസംഗിച്ചിട്ടില്ലെന്നും വസ്തുതകള് പരിഗണക്കാതെയാണ് ജില്ലാ സെഷന്സ് കോടതി ജാമ്യം നിരസിച്ചത്. കേസ് രാഷ്ട്രീയ പ്രേരിതമാണ്. തന്നെ അറസ്റ്റ് ചെയ്യാന് സര്ക്കാര് ശ്രമിക്കുന്നു- പി സി ജോര്ജ് ഹർജിയിൽ പറഞ്ഞു. ഹർജി ഹൈക്കോടതി ഇന്ന് ഉച്ചക്ക് ശേഷം പരിഗണിക്കും.
മകനും അഭിഭാഷകനുമായ ഷോൺ ജോർജാണ് പി.സി ജോർജിന് വേണ്ടി അപേക്ഷ സമർപ്പിച്ചത്. മതസൗഹാർദം തകർക്കുന്ന രീതിയിൽ പ്രസംഗിച്ചിട്ടില്ലെന്നും, വസ്തുതകൾ പരിഗണിക്കാതെയാണ് ജില്ലാ സെഷൻസ് കോടതി ജാമ്യം നിരസിച്ചതെന്നും ഹർജിയിൽ പിസി ജോർജ് പറഞ്ഞു. പി.സി ജോർജിനെ അറസ്റ്റ് ചെയ്യാൻ മുഖ്യമന്ത്രി പൊലീസിന് മേൽ സമ്മർദം ചെലുത്തുന്നുവെന്ന് ഷോൺ ജോർജ് പറഞ്ഞു. മുൻകൂർ ജാമ്യാപേക്ഷ തള്ളിയാൽ കീഴടങ്ങൽ തീരുമാനിച്ചിട്ടില്ലെന്നും ഇതിനെ രാഷ്ട്രീയപരമായും നിയമപരമായും പ്രതിരോധിക്കുമെന്നും ഷോൺ ജോർജ് പറഞ്ഞു.
