കൊച്ചി; കേരള സംസ്ഥാന ചലച്ചിത്ര അക്കാദമി ഏപ്രില് ഒന്നു മുതല് അഞ്ച് വരെ കൊച്ചിയില് സംഘടിപ്പിക്കുന്ന പ്രാദേശിക രാജ്യാന്തര ചലച്ചിത്രമേള മോഹന്ലാല് ഉദ്ഘാടനം ചെയ്തു . ഇന്ന് രാവിലെ 9 മണിക്ക് സരിത തിയേറ്ററില് നടന്ന ചടങ്ങില് സാംസ്കാരിക, മല്സ്യബന്ധന, യുവജനകാര്യവകുപ്പ് മന്ത്രി സജി ചെറിയാനാണ് അധ്യക്ഷത വഹിച്ചത് . എഴുത്തുകാരന് എന്.എസ്. മാധവന് ചടങ്ങില് മുഖ്യാതിഥിയായി .
സംഘാടക സമിതി ചെയര്മാന് ജോഷി, ചലച്ചിത്ര അക്കാദമി ചെയര്മാന് രഞ്ജിത്, സെക്രട്ടറി സി. അജോയ്, വൈസ് ചെയര്മാന് പ്രേംകുമാര്, ആര്ട്ടിസ്റ്റിക് ഡയറക്ടര് ബീനാ പോള് എന്നിവര് ചടങ്ങിൽ പങ്കെടുത്തു . ശേഷം ബംഗ്ളാദേശ്, സിംഗപ്പൂര്, ഖത്തര് എന്നീ രാജ്യങ്ങളുടെ സംയുക്ത സംരംഭമായ ‘രെഹാന’ ഉദ്ഘാടന ചിത്രമായി പ്രദര്ശിപ്പിച്ചു .സരിത, സവിത, കവിത തിയേറ്ററുകളിലായി നടക്കുന്ന മേളയില് 26ാമത് ഐ.എഫ്.എഫ്.കെയില് ശ്രദ്ധേയമായ 70 ഓളം ചിത്രങ്ങള് പ്രദര്ശിപ്പിക്കും
