ഇലന്തൂരിലെ മന്ത്രവാദിനിയും കുമാരിയും തമ്മിൽ ബന്ധമുണ്ടോ?? ഒടുവിൽ ആ സത്യം സുരഭി ലക്ഷ്മി പുറത്തറിയിച്ചു

ഐശ്വര്യ ലക്ഷ്‍മി, സുരഭി ലക്ഷ്‍മി, സ്വാസിക, തന്‍വി റാം എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന കുമാരി ഒക്ടോബര്‍ 28 ന് തിയേറ്ററുകളിൽ എത്തും. ചിത്രത്തിന്റെ ട്രെയ്‌ലറില്‍ നടി സുരഭി ലക്ഷ്മി അവതരിപ്പിക്കുന്ന മന്ത്രവാദിനി കഥാപാത്രം ഏറെ ശ്രദ്ധിക്കപ്പെട്ടിരുന്നു. ഇപ്പോഴിതാ ചിത്രത്തിലെ തന്റെ കഥാപാത്രത്തെ പറ്റി തുറന്നു പറഞ്ഞിരിക്കുകയാണ് താരം.

80 വയസുള്ള മന്ത്രവാദിനി ആയാണ് അഭിനയിക്കുന്നത്. 80 വയസ് വരെ നമുക്ക് മാനസികമായി സഞ്ചരിക്കാന്‍ ബുദ്ധിമുട്ടാണ്. ഒരു പത്തിരുപത് വയസ് വരെ ഒക്കെയാണെങ്കില്‍ പറ്റും. അങ്ങനെ ഈ റോള്‍ ചെയ്യുന്നില്ല എന്ന് പറഞ്ഞതാണ്. പിന്നെ സംവിധായകനൊക്കെ നിര്‍ബന്ധിച്ചാണ് ഈ കഥാപാത്രം ചെയ്യുന്നത്.

ഇപ്പോള്‍ നടക്കുന്ന സംഭവവുമായി സിനിമയിലെ താന്‍ അവതരിപ്പിക്കുന്ന മന്ത്രവാദിനിക്ക് ഒരു ബന്ധവുമില്ല. ഇങ്ങനെയൊരു ചര്‍ച്ച ഉണ്ടാക്കുക എന്നതല്ല സിനിമയുടെ ലക്ഷ്യം. തങ്ങള്‍ ഒരു മുഴുനീള എന്റര്‍ടെയ്‌നര്‍ സിനിമയാണ് ഉദ്ദേശിച്ചത്. ബാംബു ബോയിസിലൊക്കെ വന്നിട്ടുള്ള ഒരു ഭാഷയാണ്.

പക്ഷെ നമ്മള്‍ തമാശ രീതിയിലാണ് എടുത്തിട്ടുള്ളത്. ഇത് ഒരു സീരിയസ് സംഭവമാണ് എന്നാണ് സുരഭി ലക്ഷ്മി ഒരു മാധ്യമത്തോട് വ്യക്തമാക്കിയത്.