ഞാൻ കണ്ട സ്വപ്നം യാഥാർത്ഥ്യമായിരിക്കുന്നു; ബിഎംഡബ്ല്യു സ്വന്തമാക്കി ലക്ഷ്മി നക്ഷത്ര

മലയാളികൾക്ക് ഏറെ പ്രിയപ്പെട്ടവളാണ് ലക്ഷ്മി നക്ഷത്ര. സ്റ്റാർ മാജിക്ക്, ഠമാർ പഠാർ തുടങ്ങിയ ജനപ്രിയ പരിപാടികളിലൂടെ അവതാരകയായാണ് ലക്ഷ്മി നക്ഷത്ര മിനിസ്ക്രീൻ പ്രേക്ഷകരുടെ ഹൃദയം കവർന്നത്. ഇപ്പോഴിതാ ഇഷ്ട വാഹനം സ്വന്തമാക്കിയിരിക്കുകയാണ് നടി.

ബിഎംഡബ്ല്യു 3 സീരിസ് 330ഐ എം സ്പോർട്ടാണ് ലക്ഷ്മി സ്വന്തമാക്കിയിരിക്കുന്നത്. 51 ലക്ഷം രൂപയ്ക്ക് മുകളിലാണ് ഈ കാറിന്റെ വില. കുട്ടിക്കാലത്ത് സിനിമയില്‍ കറുത്ത ബിഎംഡബ്ല്യു കണ്ടപ്പോൾ മനസിൽ കയറികൂടിയ ആഗ്രഹമാണ് താരം സാക്ഷാത്കരിച്ചത്. ലക്ഷ്മി തന്നെയാണ് സന്തോഷവാർത്ത ആരാധകരുമായി പങ്കുവച്ചത്.

മാത്രമല്ല ബിഎംഡബ്ല്യുവിന്റെ ഏറ്റവും മികച്ച കാറുകളിലൊന്നാണ് 3 സീരിസ്. ഇത് ഏകദേശം 56.90 ലക്ഷം രൂപയാണ് വാഹനത്തിന്റെ എക്സ് ഷോറൂം വില. ബിഎംഡബ്ല്യു 3 സീരിസ് ഗ്രാൻലിമോസിൻ 330 എൽഐ എം സ്പോർട്ട് പതിപ്പാണ് കൊച്ചിയിലെ ബിഎംഡബ്ല്യു വിതരണക്കാരായ ഇവിഎം ഓട്ടോക്രാഫ്റ്റിൽ നിന്ന് താരം ഗാരിജിലെത്തിച്ചത്.