ഇടതുസർക്കാർ കേരളം നശിപ്പിക്കുന്നു!!! സജി ചെറിയാനെ വീണ്ടും മന്ത്രിസഭയിലേക്ക് മടക്കി കൊണ്ടുവന്നതിനെ വിമർശിച്ച് ബിജെപി എംപി പ്രകാശ് ജാവേദ്കർ

ദില്ലി : കേരള മന്ത്രിസഭയിലേക്ക് സജി ചെറിയാന് വീണ്ടും അവസരം നൽകിയ പിണറായി സർക്കാരിന്റെ തീരുമാനത്തെ വിമർശിച്ച് ബിജെപി എംപി പ്രകാശ് ജാവേദ്കർ രംഗത്തുവന്നു . ഭരണഘടനയെ അധിക്ഷേപിച്ചതിനെ തുടർന്ന് രാജിവച്ച് പുറത്തുപോയ സജി ചെറിയാനെ വീണ്ടും അതേ മന്ത്രി കസേരയിൽ തിരുകി കയറ്റുന്ന ഇടതു സർക്കാർ നയത്തെയാണ് കേരളത്തിന്റെ ചുമതലയുള്ള ബിജെപി എംപി രൂക്ഷമായി വിമർശിച്ചത്.

ഭരണഘടനയെക്കുറിച്ച് സജി ചെറിയാൻ നടത്തിയ പരാമർശം ഒരിക്കലും അംഗീകരിക്കാനാവുന്നതല്ല. ഭരണഘടനാ ശിൽപിയായ ഡോ. അബേദ്കർ അപമാനിക്കപ്പെട്ടു. ഇതിന്റെ വീഡിയോ ദൃശ്യങ്ങൾ ഇപ്പോഴും നിലനിൽക്കുകയാണ്. എന്നിട്ടും പോലീസ് സജി ചെറിയാന് ക്ലീൻ ചിറ്റ് നൽകി. സജി ചെറിയാൻ രാജി വയ്‌ക്കുക തന്നെ വേണം. അതിനായി പോരാടുമെന്നും എംപി പറഞ്ഞു.

മദ്യം, മയക്കുമരുന്ന്, കുറ്റകൃത്യങ്ങൾ, കള്ളക്കടത്ത്, ഭാഗ്യപരീക്ഷക്കളി ഇവ കൂടിചേർന്നതാണ് കേരളത്തിലെ എൽഡിഫ് സർക്കാർ. ഇടതുസർക്കാർ കേരളം നശിക്കുകയാണെന്നും അദ്ദേഹം കുറ്റപ്പെടുത്തി.