പ്രണയ വിവാഹം ! 12 വർഷം നീണ്ട ദാമ്പത്യം; ഒടുവിൽ ഭാര്യയ്ക്ക് മറ്റൊരാളുമായി ബന്ധം ; വിവാഹം നടത്തിക്കൊടുത്ത് യുവാവ്

ഭാര്യയെ കാമുകന് വിവാഹംകഴിച്ചുകൊടുത്ത് യുവാവ്. ബിഹാറിലെ സഹര്‍സയിലാണ് സംഭവം. 12 വർഷം നീണ്ടുനിന്ന ദാമ്പത്യബന്ധം വേർപിരിഞ്ഞ ശേഷമാണ് മുൻ ഭാര്യയെ യുവാവ് കാമുകന് വിവാഹംചെയ്ത് നൽകിയത്. കാമുകൻ വിവാഹിതനും രണ്ട് കുട്ടികളുടെ പിതാവുമാണ്.

പ്രണയിച്ച് വിവാഹിതരായവരായിരുന്നു യുവാവും ഭാര്യയും. 12 വർഷം നീണ്ട ദാമ്പത്യത്തിൽ ഇവര്‍ക്ക് മൂന്നുകുട്ടികളുമുണ്ട്. ഭര്‍ത്താവുമായി വിവാഹബന്ധം നിലനില്‍ക്കവേയാണ് മറ്റൊരാളുമായി യുവതി പ്രണയത്തിലാകുന്നത്. ഭാര്യ മറ്റൊരാളുമായി പ്രണയത്തിലാണെന്ന് മനസ്സിലായപ്പോള്‍ ബന്ധം പിരിയാന്‍ ഭര്‍ത്താവ് തീരുമാനിച്ചു. തുടര്‍ന്ന് ഇവര്‍ വിവാഹമോചിതരാവുകയും പിന്നാലെ മുൻ ഭാര്യയെ കാമുകന് വിവാഹം കഴിച്ചുകൊടുക്കുകയും ചെയ്തു. യുവതിയുടെയും കാമുകന്റെയും വിവാഹത്തിന്റെ ദൃശ്യങ്ങള്‍ സമൂഹ മാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.