പാലക്കാട്: പാലക്കാട് മുതലമട ചപ്പക്കാട് കാട്ടില് നിന്നും മനുഷ്യന്റെ തലയോട്ടി കണ്ടെത്തി. മുളവെട്ടാന് പോയ അയ്യപ്പന് എന്നയാളാണ് തലയോട്ടി കണ്ടത്. ചപ്പക്കാട് മൊണ്ടിപതിക്ക് മേലെ ആലാംപാറയില് കാടുപിടിച്ചുകിടന്ന സ്ഥലത്ത് നിന്നുമാണ് തലയോട്ടി കണ്ടെത്തിയത്.
കഴിഞ്ഞ ഓഗസ്റ്റിൽ കാണാതായ യുവാക്കളിൽ ആരുടേതെങ്കിലുമാണോ എന്ന കാര്യത്തിൽ പൊലീസ് അന്വേഷണം തുടങ്ങി. ചപ്പക്കാട് ലക്ഷംവീട് കോളനിയിലെ സ്റ്റീഫന്, മുരുകേശന് എന്നിവരെയാണ് കാണാതായത്. ഇവരിൽ ആരുടെയെങ്കിലും മൃതദേഹം ആണോയെന്ന് സംശയമുണ്ട്. 166 ദിവസങ്ങള്ക്ക് മുന്പാണ് ഇവരെ കാണാതായത്.
ഇന്നലെ വൈകിട്ട് വനവിഭവം ശേഖരിക്കാൻ പോയ ചപ്പക്കാട്ട് സ്വദേശിയായ അയ്യപ്പനാണ് തലയോട്ടി ആദ്യം കണ്ടത്. ഇക്കാര്യം കാണാതായ യുവാക്കളുടെ കുടുംബമാണ് പൊലീസിനെ അറിയിച്ചത്.
ഫൊറൻസിക് പരിശോധനക്കായി തലയോട്ടി തൃശൂരിലെ ലാബിലേക്ക് അയക്കും. വനത്തിനകത്തെ തോട്ടിൽ നിന്നാണ് തലയോട്ടി കണ്ടെടുത്തത്. ക്രൈംബ്രാഞ്ച്, കൊല്ലങ്കോട് പൊലീസ്, വനം വകുപ്പ് ഉദ്യോഗസ്ഥര്, ചിറ്റൂർ ഡിവൈഎസ്പി സുന്ദരന്റെ നേതൃത്വത്തിൽ സ്ഥലത്തെത്തി കാട്ടിനുള്ളിൽ പരിശോധന നടത്തി അന്വേഷണം ആരംഭിച്ചു.
