കൊച്ചി: എംഡിഎംഎയും കഞ്ചാവുമായി യുവാവ് അറസ്റ്റിൽ. മലപ്പുറം പട്ടിക്കാട് കീഴാറ്റൂര് നമ്പോത്ത് വീട്ടില് മുഹമ്മദ് അല്ത്താഫിനെ (26) ആണ് അറസ്റ്റ് ചെയ്തത്. ഇടപ്പള്ളി, ചങ്ങപ്പുഴ ശ്മശാനം റോഡിനു സമീപം
നിന്നാണ് യുവാവിനെ പിടികൂടിയത്. ഇയാളുടെ പക്കല് നിന്നും 1.65 ഗ്രാം എംഡിഎംഎയും 28.7 ഗ്രാം
കഞ്ചാവും ഇലക്ട്രിക് ത്രാസും പോലീസ് പിടിച്ചെടുത്തിട്ടുണ്ട്.
എറണാകുളത്ത് ടാക്സി ഡ്രൈവറായിരുന്ന പ്രതിയുടെ മയക്കുമരുന്ന് ഇടപാടുകളെക്കുറിച്ച് പോലീസ്
നിരീക്ഷിച്ചുവരികയായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.