Messi with Instagram and record Messi's post went viral; The most liked image on Instagram
ഖത്തർ : ലോകകപ്പ് കിരീടം നേടി മെസ്സിയും സംഘവും ചരിത്രം കുറിച്ചുകഴിഞ്ഞു. സമൂഹമാധ്യമങ്ങളില്‍ അര്‍ജന്റീനയുടെ വിജയവും മെസ്സിയുടെ കിരീടധാരണവും വൈറലാവുകയാണ് .
ഇതിന് പിന്നാലെ ഇന്‍സ്റ്റഗ്രാമില്‍ ഏറ്റവും കൂടുതല്‍ ലൈക്ക് നേടിയ ചിത്രമായി മെസ്സി പങ്കുവച്ച പോസ്റ്റ് മാറി. കിരീടം നേടിയതിന് പിന്നാലെയാണ് ലോകകപ്പുയര്‍ത്തുന്ന ചിത്രങ്ങള്‍ മെസ്സി ഇന്‍സ്റ്റഗ്രാമില്‍ പങ്കുവെച്ചത്. മിനിറ്റുകള്‍ക്കം ചിത്രങ്ങൾ വൈറലായി. നിലവില്‍ 57 മില്ല്യണിലധികം ലൈക്ക് ആണ് പോസ്റ്റിന് ലഭിച്ചിരിക്കുന്നത്. ഏറ്റവും വേഗത്തില്‍ 50 മില്ല്യണ്‍ ലൈക്ക് നേടിയ ഇന്‍സ്റ്റഗ്രാം പോസ്റ്റ് എന്ന റെക്കോർഡ് കൂടി ഈ ചിത്രങ്ങൾ നേടിയിരുന്നു.
ഏറ്റവും കൂടുതല്‍ ലൈക്ക് നേടിയിരുന്ന വേള്‍ഡ് റെക്കോര്‍ഡ് എഗ്ഗിന്റെ ഇന്‍സ്റ്റഗ്രാം റെക്കോര്‍ഡാണ് മെസ്സി മറികടന്നത്. മെസ്സിയുടെ പോസ്റ്റ് വന്‍ വൈറലായതോടെ ഫുട്‌ബോള്‍ ആരാധകര്‍ വേള്‍ഡ് റെക്കോര്‍ഡ് എഗ്ഗിന്റെ പോസ്റ്റ് ഡിസ്‌ലൈക്ക് ചെയ്യാനാരംഭിച്ചെന്ന് റിപ്പോര്‍ട്ടുകളുണ്ടായിരുന്നു.
നേരത്തേ ഒരു കായികതാരത്തിന്റെ ഏറ്റവും കൂടുതല്‍ ലൈക്ക് നേടിയ ഇന്‍സ്റ്റഗ്രാം പോസ്റ്റായും മെസ്സിയുടെ പോസ്റ്റ് മാറിയിരുന്നു. ഇന്‍സ്റ്റഗ്രാമില്‍ നിലവില്‍ 400 മില്ല്യണിലധികം ആളുകളാണ് മെസ്സിയെ പിന്തുടരുന്നത്.
സൂര്യാഘാതമേറ്റ് സംസ്ഥാനത്ത് ഇന്ന് ഒരു മരണം കൂടി. കണ്ണൂരിൽ കിണർ പണിക്കിടെ സൂര്യാഘാതമേറ്റ് ചികിത്സയിലായിരുന്ന മാഹി സ്വദേശി യു എം…
തിരുവനന്തപുരം : മേയര്‍ ആര്യ രാജേന്ദ്രനും ഭർത്താവും എംഎൽഎയുമായ സച്ചിൻ ദേവും നടുറോഡിൽ കെഎസ്ആര്‍ടിസി ഡ്രൈവറുമായി വാക്കുതർക്കത്തിൽ ഏർപ്പെട്ട സംഭവത്തിൽ…