“ഇന്ത്യക്കാരുടെ സുരക്ഷ ഉറപ്പാക്കണം”; യുക്രെയ്‌നിലുള്ള സേനയ്ക്ക് നിര്‍ദ്ദേശം നല്‍കി പുടിൻ; നടപടി മോദിയുമായുള്ള സംഭാഷണത്തിനുപിന്നാലെ

കീവ്: ഇന്ത്യക്കാരുടെ സുരക്ഷ ഉറപ്പാക്കണമെന്ന് യുക്രെയ്‌നിലുള്ള സേനയ്ക്ക് നിര്‍ദ്ദേശം നല്‍കി പുടിൻ(Modi Conversation With Pudin). പ്രധാനമന്ത്രി നരേന്ദ്രമോദിയ്ക്കാണ് ഇതുസംബന്ധിച്ച ഉറപ്പ് നൽകിയത്. പുടിനുമായി മോദി സംസാരിച്ചിരുന്നു. ഇതിനുപിന്നാലെയാണ് യുക്രെയ്‌നിലുള്ള ഇന്ത്യക്കാരെ സഹായിക്കുമെന്ന് റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ പറഞ്ഞത്.

അതേസമയം യുക്രെയ്‌നിലുള്ള സേനയ്‌ക്ക് ഇത് സംബന്ധിച്ച് നിര്‍ദ്ദേശം നല്‍കിയതായും റഷ്യ വ്യക്തമാക്കിയിട്ടുണ്ട്. രക്ഷാദൗത്യം കൂടുതല്‍ വിപുലമാക്കുന്നതിനായി യുക്രെയ്ന്‍ അതിര്‍ത്തി രാജ്യങ്ങളിലേക്ക് ഇന്ത്യ പ്രത്യേക സംഘങ്ങളെ അയച്ചു. ഇന്ന് മുതല്‍ ഒഴിപ്പിക്കല്‍ നടപടികള്‍ ശക്തമാക്കാനാണ് തീരുമാനിച്ചിരിക്കുന്നത്. ഇന്നും നാളെയുമായി കൂടുതല്‍ പേരെ ഇന്ത്യയിലെത്തിക്കും. ആദ്യസംഘം ഇന്ന് ഉച്ചയോടെ ഇന്ത്യയില്‍ തിരിച്ചെത്തും. 17 മലയാളികളും ഇതില്‍ ഉള്‍പ്പെടുന്നു. നാല് എയര്‍ ഇന്ത്യ വിമാനങ്ങളിലായിട്ടാണ് കൂടുതല്‍ പേരെ ഇന്ത്യയിലെത്തിക്കുന്നത്.