ഹിന്ദു യുവാവിനൊപ്പം മുസ്ലിം യുവതി ഇരുചക്ര വാഹനത്തിൽ സഞ്ചരിച്ചതിന് ഇരുവർക്കും നേരെ സദാചാര ആക്രമണം; ദൃശ്യങ്ങൾ സമൂഹമാദ്ധ്യമത്തിൽ പ്രചരിപ്പിച്ചു, പരാതിയുമായി യുവതി രംഗത്ത്

ബംഗളൂരു: ഇരുചക്ര വാഹനത്തിൽ ഹിന്ദു യുവാവിനൊപ്പം സഞ്ചരിച്ച മുസ്ലിം യുവതിക്ക് നേരെ സദാചാര ആക്രമണം. ബംഗളൂരുവിലാണ് സംഭവം നടന്നത്. പ്രദേശത്തെ ജനങ്ങൾ ഇരുവരെയും തടഞ്ഞ് നിർത്തി
അധിക്ഷേപിക്കുകയും ദൃശ്യങ്ങൾ പകർത്തി സമൂഹമാദ്ധ്യമങ്ങളിൽ പ്രചരിപ്പിക്കുകയും ചെയ്തു. വ്യത്യസ്ത മതങ്ങളിൽ പെട്ടവരാണെന്ന കാരണത്തിലാണ് ഇരുവർക്കും നേരെ ആക്രമണമുണ്ടായത്.

മുസ്ലീം പെൺകുട്ടിയും ഹിന്ദു യുവാവും ബൈക്കിൽ സഞ്ചരിക്കുന്നതിനിടയിൽ ബൈക്ക് തടയുകയായിരുന്നു. ബൈക്ക് തടഞ്ഞ ഇസ്ലാംപൂർ സ്വദേശിയായ ഹുസൂരും സംഘവും യുവതിയുടെ മാതാപിതാക്കളുടെ ഫോൺ നമ്പർ ആവശ്യപ്പെടുകയും ചെയ്തു. ഇതിന്റെ ദൃശ്യങ്ങൾ സംഘത്തിലെ ചിലർ മൊബൈലിൽ പകർത്തി. തുടർന്ന് വഴി തടഞ്ഞ് കൈയ്യേറ്റം ചെയ്യുകയായിരുന്നു.

തുടർന്ന് പെൺകുട്ടിയുടെ പോലീസിൽ പരാതിപ്പെട്ടു. പോലീസ് നടത്തിയ അന്വേഷണത്തിനൊടുവിൽ ആക്രമണങ്ങൾക്ക് നേതൃത്വം നൽകിയ അക്ബർ എന്നയാളിനെ പോലീസ് കസ്റ്റഡിയിലെടുത്തു.