പൂജപ്പുരയില്‍ ഭിന്നശേഷിക്കാരിയുടെ കൊലപാതകം; കുറ്റം സമ്മതിച്ച്‌ സഹോദരന്‍, ഞെട്ടൽ മാറാതെ നാട്ടുകാർ

തിരുവനന്തപുരം: പൂജപ്പുരയില്‍ ഭിന്നശേഷിക്കാരിയായ യുവതി കൊല്ലപ്പെട്ട സംഭവത്തിൽ സഹോദരൻ കുറ്റം സമ്മതിച്ചു. കൊല്ലപ്പെട്ട നിഷയുടെ സഹോദരന്‍ സുരേഷിനെ പൂജപ്പുര പോലീസ് കസ്റ്റഡിയിലെടുത്തു. വെള്ളിയാഴ്ചയാണ് വീടിനുള്ളില്‍ നിന്ന് നിഷയുടെ മൃതദേഹം കണ്ടെത്തിയത്.

മുഖവും തുടയും അടിച്ചു തകര്‍ത്തതായി പോസ്റ്റ്മോര്‍ട്ടം റിപ്പോര്‍ട്ടില്‍ കണ്ടെത്തി. എന്നാല്‍ വീണ് പരിക്കേറ്റതായിരുന്നു എന്നാണ് സുരേഷ് പോലീസിനോട് പറഞ്ഞത്. വിശദമായ ചോദ്യംചെയ്യലിലാണ് കൊലപാതകമെന്ന് ഇയാള്‍ സമ്മതിച്ചത്. സ്വത്തിനു വേണ്ടിയാണ് ഇയാള്‍ സഹോദരിയെ കൊലപ്പെടുത്തിയതെന്നും പോലീസ് അറിയിച്ചു.

ഇയാൾ സ്ഥിരമായി നിഷയെ ഉപദ്രവിക്കാറുണ്ടെന്ന് നാട്ടുകാർ പറഞ്ഞു.