‘ഒപ്പം അഭിനയിച്ചവരിൽ മികച്ച കെമിസ്ട്രി തോന്നിയിട്ടുള്ള നടി സാമന്ത’: നാഗ ചൈതന്യയുടെ വാക്കുകൾ കേട്ട് ഞെട്ടി സിനിമ ലോകം

തെന്നിന്ത്യൻ പ്രേക്ഷകർക്ക് ഏറെ പ്രിയപ്പെട്ട താര ജോഡികളായിരുന്നു നാ​ഗ‌ചൈതന്യയും സാമന്തയും. സിനിമ ലോകത്തെ അമ്പരപ്പിച്ചുകൊണ്ട് സാമന്തയും നാ​ഗചൈതന്യയും തങ്ങളുടെ വിവാഹമോചന വാർത്ത ഔദ്യോ​ഗികമായി സ്ഥിരീകരിച്ചത്. ഇവർ തന്നെയാണ് വിവാഹമോചന വാർത്ത സോഷ്യൽ മീഡിയയിലൂടെ പങ്കുവച്ചത്.

ഒരിടവേളയ്ക്ക് ശേഷം നടി സാമന്തയും നടന്‍ നാഗചൈതന്യയുമായുമായുള്ള വിവാഹ മോചന വാര്‍ത്തകള്‍ വീണ്ടും വാര്‍ത്തകളില്‍ ഇടംപിടിച്ചിരിക്കുകയാണ്. ഇപ്പോഴിതാ ഇതുവരെ തനിക്കൊപ്പം പ്രവർത്തിച്ചിട്ടുള്ള നടിമാരിൽ ഏറ്റവും മികച്ച കെമിസ്ട്രി തോന്നിയിട്ടുള്ളത് തന്റെ മുൻ ഭാര്യയായ സാമന്ത റൂത്ത് പ്രഭുവിനോടാണെന്ന് വെളിപ്പെടുത്തിയിരിക്കുകയാണ് നടൻ നാഗ ചൈതന്യ.

പുതിയ ചിത്രമായ ബംഗരാജുവിന്റെ പ്രമോഷൻ വേളയിലായിരുന്നു അവതാരകന്റെ ചോദ്യത്തിന് നാഗചൈതന്യ സാമന്തയുടെ പേര് പറഞ്ഞത്. ” നിങ്ങൾ ഇതുവരെ അഭിനയിച്ചിട്ടുള്ള നടിമാരിൽ ഏറ്റവും മികച്ച ഓൺ-സ്‌ക്രീൻ കെമിസ്ട്രി ആരുമായാണ് ?” എന്നാണ് അവതാരകന്റെ ചോദ്യം. എന്നാൽ ഒട്ടുമാലോചിക്കാതെ സാമന്തയുടെ പേരാണ് നാഗചൈതന്യ പറഞ്ഞത്.

യെ മായ ചേസാവേ, മാനം, മജിലി തുടങ്ങിയ ചിത്രങ്ങളിൽ നാഗചൈതന്യയും സാമന്തയും ഒരുമിച്ച് അഭിനയിച്ചിട്ടുണ്ട്. നേരത്തെ നീണ്ട ഇടവേളയ്ക്ക് ശേഷം ആദ്യമായി വിവാഹമോചന വാർത്തയെക്കുറിച്ച് നടൻ നാ​ഗചൈതന്യ പ്രതികരിച്ചിരുന്നു.

നടന്റെ പുതിയ ചിത്രം ബൻ​ഗരാജുവിന്റെ പ്രമോഷനിടെ തന്നെയായിരുന്നു താരത്തിന്റെ പ്രതികരണം. “അത് സാരമില്ല, ഞങ്ങൾ രണ്ടുപേരുടെയും വ്യക്തിപരമായ നന്മയ്ക്കുവേണ്ടി എടുത്ത തീരുമാനമായിരുന്നു അത്. സാമന്ത സന്തോഷവതിയാണെങ്കിൽ ഞാനും സന്തോഷവാനാണ്. ആ സാഹചര്യത്തിൽ ഏറ്റവും നല്ല തീരുമാനമായിരുന്നു അത്..” എന്നാണ് നാ​ഗചൈതന്യ പറഞ്ഞത്.

2018 ലായിരുന്നു ഇവരുടെ വിവാഹം. ഒക്ടോബര്‍ രണ്ടിനാണ് സാമന്തയും നാഗ ചൈതന്യവും വിവാഹമോചനം സ്ഥിരീകരിക്കുന്നത്. നാല് വര്‍ഷം നീണ്ട ദാമ്പത്യ ജീവിതത്തിനൊടുവിലായിരുന്നു വേര്‍പിരിയല്‍. തങ്ങളുടെ വിവാഹ ബന്ധം വേർപെടുത്തുകയാണെന്നും എന്നാൽ ഇരുവരും സുഹൃത്തുക്കളായി തുടരുമെന്നാണ് ഇൻസ്റ്റാഗ്രാം പങ്കുവെച്ച കുറിപ്പിലൂടെ ഇരുവരും കുറിച്ചത്.