ഇന്ത്യന്‍ 2’ല്‍ നെടുമുടി വേണുവിന് പകരമെത്തുന്നത് നന്ദു പൊതുവാള്‍? റിപ്പോർട്ടുകൾ പുറത്ത്

സിനിമയുടെ പ്രഖ്യാപനം മുതൽ പ്രേക്ഷകരുടെ ഇടയിൽ വലിയ രീതിയിൽ കാത്തിരിപ്പ് ഉയർത്തിയ ചിത്രമാണ് ഇന്ത്യന്‍ 2. 2018ല്‍ പ്രഖ്യാപിക്കപ്പെട്ട ചിത്രത്തിന്‍റെ ഷൂട്ടിംഗ് ആരംഭിച്ചത് 2019ല്‍ ആരംഭിച്ചിരുന്നുവെങ്കിലും ഒരുപാട് കാരണങ്ങൾ കൊണ്ട് മുടങ്ങിപോകുകയായിരുന്നു.

തുടർന്ന് സിനിമയുടെ ചിത്രീകരണം 2020-ൽ ആരംഭിച്ചെങ്കിലും ഫെബ്രുവരിയില്‍ ചിത്രീകരണ സ്ഥലത്ത് സംഭവിച്ച ക്രെയിന്‍ അപകടത്തില്‍ മൂന്നു പേര്‍ മരണപ്പെട്ടു. ഇപ്പോഴിതാ ചിത്രത്തെ സംബന്ധിച്ച് മറ്റൊരു വാർത്തയാണ് പുറത്ത് വരുന്നത്.

ചിത്രത്തില്‍ നെടുമുടി വേണു അവതരിപ്പിക്കുന്ന കഥാപാത്രത്തെ കുറിച്ചുള്ള വാർത്തയാണ്. 1996ല്‍ പുറത്തെത്തിയ ഇന്ത്യനില്‍ നെടുമുടി വേണു ഒരു പ്രധാന കഥാപാത്രത്തെ അവതരിപ്പിച്ചിരുന്നു. നെടുമുടി വേണുവിന്റെ കഥാപാത്രത്തിന്റെ പേര് കൃഷ്ണസ്വാമി എന്നാണ്. ഇന്ത്യന്‍ 2ലും അദ്ദേഹത്തിന് കഥാപാത്രം ഉണ്ടായിരുന്നു. മാത്രമല്ല മരണത്തിനു മുന്‍പ് അദ്ദേഹം ചില രംഗങ്ങള്‍ അദ്ദേഹം പൂർത്തീകരിക്കുകയും ചെയ്തിരുന്നു.

നെടുമുടിയുടെ അസാന്നിധ്യത്തില്‍ ചിത്രത്തിലെ അദ്ദേഹത്തിന്‍റെ രംഗങ്ങള്‍ മറ്റൊരാള്‍ പൂര്‍ത്തിയാക്കുമെന്നാണ് പുറത്തെത്തുന്ന വിവരങ്ങള്‍. നെടുമുടിയുമായി രൂപസാദൃശ്യമുള്ള നടന്‍ നന്ദു പൊതുവാള്‍ ആവും അവശേഷിക്കുന്ന ചില രംഗങ്ങള്‍ പൂര്‍ത്തിയാക്കുകയെന്ന് പ്രമുഖ ട്രേഡ് അനലിസ്റ്റ് ശ്രീധര്‍ പിള്ളയാണ് ട്വീറ്റ് ചെയ്തത്.