നേപ്പാൾ വിമാനാപകടം: യുവാവ് മൊബൈൽ ക്യാമറയിൽ ഒപ്പിയെടുത്ത ,വിമാനത്തിന്റെ അവസാന നിമിഷങ്ങൾ പുറത്തു വന്നു

കാഠ്മണ്ഡു: നേപ്പാള്‍ വിമാനാപകടത്തിന്റെ കൂടുതല്‍ ദൃശ്യങ്ങള്‍ പുറത്ത് വന്നു . കാഠ്മണ്ഡു വിമാനത്താവളത്തില്‍നിന്ന് പറന്നുയര്‍ന്ന വിമാനം ഇരുപതു മിനിറ്റുകൾക്കു ശേഷം നിയന്ത്രണം നഷ്ടപ്പെട്ട് പൊഖാറ അന്താരാഷ്ട്ര വിമാനത്താവളത്തിനു സമീപം തകര്‍ന്നുവീഴുകയായിരുന്നു.

നിലത്തുവീണതിന് പിന്നാലെ വിമാനത്തെ അഗ്നിവിഴുങ്ങി. വിമാനം തകര്‍ന്നുവീഴുന്നതിന് തൊട്ടുമുന്‍പ് നിയന്ത്രണം നഷ്ടമായതിന്റെയും വന്‍ശബ്ദത്തോടെ നിലംപതിക്കുന്നതിന്റെ വീഡിയോയും സാമൂഹികമാധ്യമങ്ങളില്‍ പ്രചരിക്കുന്നുണ്ട് .

യെതി എയര്‍ലൈന്‍സിന്റെ ഉടമസ്ഥതയിലുള്ള വിമാനമാണ് അപകടത്തില്‍പ്പെട്ടത്. 68 യാത്രക്കാരും നാല് ജീവനക്കാരുമായിരുന്നു വിമാനത്തിലുണ്ടായിരുന്നത്. യാത്രക്കാരില്‍ നാലു ഇന്ത്യക്കാരും ഉൾപ്പെടുന്നു. വിമാനത്തിലുണ്ടായിരുന്ന മുഴുവന്‍പേരും മരിച്ചുവെന്നാണ് അഭ്യൂഹം