ദില്ലി: 2021-സാമ്പത്തിക വര്‍ഷത്തിൽ ഇന്ത്യ അതിവേഗത്തില്‍ വളരുന്ന സാമ്പത്തിക ശക്തിയാകുമെന്ന് കേന്ദ്ര ധനമന്ത്രി നിര്‍മല സീതാരാമന്‍. ഈ വര്‍ഷം നെഗറ്റീവ് വളര്‍ച്ചയില്‍ മുന്നോട്ട് പോയാലും അടുത്തവര്‍ഷം ഏറ്റവും അതിവേഗതയില്‍ വളരുന്ന സാമ്പത്തിക ശക്തികളൊന്നില്‍ ഇന്ത്യയുണ്ടാകും. അടിസ്ഥാന സൗകര്യ വികസനത്തിനാണ് രാജ്യം പ്രഥമ പരിഗണന നല്‍കുന്നതെന്നും, ഇന്ത്യയുടെ ധാന്യങ്ങള്‍, പച്ചക്കറികള്‍, പഴങ്ങള്‍ എന്നിവ കയറ്റുമതിക്ക് തയ്യാറാണെന്ന് ഉറപ്പുവരുത്തുന്നതിനാണ് രണ്ടാം പരിഗണനയെന്നും മന്ത്രി കൂട്ടിച്ചേര്‍ത്തു.
ഗ്രാമീണ ഇന്ത്യയില്‍ വര്‍ധിക്കുന്ന ആവശ്യകതയുടെ ഫലമായി ആഭ്യന്തര വരുമാനത്തില്‍ വര്‍ധയുണ്ടാകും. അതോടൊപ്പം ഉത്സവസീസണും സാമ്പത്തിക രംഗത്തിന് ഗുണകരമാകുമെന്നും അവർ വ്യക്തമാക്കി. ഇന്ത്യ എനര്‍ജി ഫോറത്തില്‍ സംസാരിക്കവെയായിരുന്നു മന്ത്രിയുടെ പ്രതികരണം.
