ദില്ലി:വിമാനത്തില് അപമര്യാദയായി പെരുമാറിയവര്ക്ക് എതിരെ നടപടി എടുക്കാത്തതിനെ തുടർന്ന് എയര് ഇന്ത്യക്ക് കാരണം കാണിക്കല് നോട്ടീസ് നല്കി ഡിജിസിഎ. സീറ്റില് മൂത്രമൊഴിച്ചയാള്ക്ക് എതിരെയും, ടോയ്ലെറ്റിൽ സിഗരറ്റ് വലിച്ചയാള്ക്ക് എതിരെയും നടപടി എടുക്കാത്തതിനാണ് നോട്ടീസ്.
ഡിസംബര് ആറിനാണ് എയര് ഇന്ത്യ വിമാനത്തില് രണ്ട് യാത്രക്കാര് അപമര്യാദയായി പെരുമാറിയത്.
മദ്യപിച്ച് ലക്കുകെട്ട യാത്രക്കാരനാണ് സഹയാത്രികയുടെ സീറ്റില് മൂത്രമൊഴിച്ചത്. ദില്ലിയിൽ എത്തിയ ഇയാളെ വിമാനജീവനക്കാർ സിഐഎസ്എഫ് അധികൃതർക്ക് കൈമാറി. പിന്നീട് യുവതിയോട് ഇയാൾ മാപ്പ് പറഞ്ഞെന്നും, യുവതി നൽകിയ പരാതി പിൻവലിച്ച തോടെ മാപ്പ് എഴുതി നൽകി സംഭവം ഒത്തുത്തീർപ്പാക്കിയെന്നുമായിരുന്നു വിമാനത്താവള അധികൃതരുടെ വിശദീകരണം.
