230 കോടി രൂപ മാസം ലഭിച്ചിട്ടും ശമ്പളമില്ല;5നകം ശമ്പളമില്ലെങ്കില്‍ 8ന് പണിമുടക്ക് പ്രഖ്യാപിച്ച് ബിഎം.എസ്

തിരുവനന്തപുരം: കെ.എസ്.ആര്‍.സി.യില്‍ പണിമുടക്ക് പ്രഖ്യാപിച്ച് ബിഎം.എസ്. മെയ് 8 നാണ് ബിഎം.എസ് പണിമുടക്ക് പ്രഖ്യാപിച്ചിരിക്കുന്നത്. മെയ്5 നകം ശമ്പളം നൽകണമെന്നാണ് ബിഎം.എസിന്റെ ആവശ്യം. ശമ്പളം വൈകുന്നതില്‍ പ്രതിഷേധിച്ച് ഭരണപക്ഷ-കോണ്‍ഗ്രസ് യൂണിയനുകള്‍ സംയുക്തമായി കെ.എസ്.ആര്‍.ടി.സി ചീഫ് ഓഫീസിന് മുന്നില്‍ പ്രതിഷേധ ധര്‍ണ ശക്തമാക്കിയിരിക്കുകയാണ്. മാര്‍ച്ച് മാസം 230 കോടി രൂപ വരുമാനം ലഭിച്ചു. എന്നിട്ടും ജീവനക്കാര്‍ക്ക് ദുരിതം മാത്രമാണെന്നാണ് യൂണിയനുകളുടെ ആക്ഷേപം.

അതേസമയം, യാഥാർഥ്യ ബോധത്തോടെ കാര്യങ്ങൾ ചിന്തിച്ചാൽ പ്രതിഷേധിക്കേണ്ടിവരില്ലെന്നാണ് ഗതാഗതമന്ത്രി ആന്‍റണി രാജു പ്രതികരിച്ചിരിക്കുന്നത്. ശമ്പളം ഇതുവരെ മുടങ്ങിയിട്ടില്ലെന്നും അഞ്ചാം തീയതിക്ക് മുമ്പ് ആദ്യ ഗഡു നൽകിയെന്നുമാണ് മന്ത്രി ആന്‍റണി രാജു പറഞ്ഞത്.