തിരുവനന്തപുരം ∙ പ്രതിപക്ഷ നേതാവ് വി.ഡി.സതീശനെ വധിക്കുമെന്ന ധ്വനിയോടെ സമൂഹമാധ്യമത്തിൽ ഭീഷണി മുഴക്കിയവർക്കെതിരെ വി.ഡി.സതീശന്റെ ഓഫിസ് ഡിജിപി അനിൽകാന്തിനു പരാതി നൽകി.
സിനി ജോയ്, സിറാജു നരിക്കുനി എന്നിവർക്കും ‘സഖാവ് കേരള’ എന്ന പ്രൊഫൈലിനുമെതിരെയാണു പ്രൈവറ്റ് സെക്രട്ടറി കെ.അനിൽകുമാറിന്റെ പരാതി. സതീശന്റെ ചിത്രം സഹിതം, ‘6 മാസത്തിനുള്ളിൽ നിന്റെ ഭാര്യ പറവൂർ നിയോജകമണ്ഡലത്തിൽ യുഡിഎഫ് സ്ഥാനാർഥിയായി മത്സരിക്കേണ്ടിവരും’ എന്ന വാചകത്തോടെ പോസ്റ്റ് ഇട്ടതിനെതിരെയാണ് പരാതി.