പാകിസ്ഥാനിൽ പൊട്ടിത്തെറിച്ച ചാവേറിന്റെ തല കണ്ടെത്തി; അതീവ സുരക്ഷാ മേഖലയിൽ ഭീകരൻ കടന്നുകയറിയതിൽ ആശങ്ക; മരിച്ചവരുടെ എണ്ണം നൂറു കടന്നു; പാകിസ്ഥാന് പണികൊടുത്തത് താലിബാൻ വിമത ഭീകരർ

പെഷവാർ: പാകിസ്ഥാനെ നടുക്കിയ പെഷവാർ ചാവേർ ബോംബാക്രമണത്തിനു പിന്നിൽ താലിബാൻ വിമതരാണെന്നു സൂചന. ആക്രമണത്തിന്റെ ഉത്തരവാദിത്തം തിങ്കളാഴ്ച തെഹ്‌രികെ താലിബാൻ പാക്കിസ്ഥാൻ (ടിടിപി) ഏറ്റെടുത്തിരുന്നെങ്കിലും ഇന്നലെ നിഷേധിച്ചു. ആക്രമണത്തിൽ അവകാശം ഉന്നയിച്ചത് വിമതവിഭാഗമാണെന്നാണ് ഇപ്പോൾ ടിടിപിയുടെ വാദം. അതേസമയം, ചാവേറിന്റേതെന്നു കരുതുന്ന തല അവശിഷ്ടങ്ങൾക്കിടയിൽ നിന്നു ലഭിച്ചു. തിങ്കളാഴ്ചയുണ്ടായ ചാവേർ സ്ഫോടനത്തിൽ മരിച്ചവരുടെ എണ്ണം 100 ആയി. പരുക്കേറ്റവരുടെ എണ്ണം 221 ആയി. മസ്ജിദിലെ ഇമാം സാഹിബ്സാദ നൂർ ഉൽ അമീനും കൊല്ലപ്പെട്ടതായി പൊലീസ് അറിയിച്ചു.

ചൊവ്വാഴ്ച ഉച്ചനമസ്കാര സമയത്താണ് പള്ളിയുടെ മുൻനിരയിലിരുന്ന ചാവേർ പൊട്ടിത്തെറിച്ചത്. അതീവസുരക്ഷാമേഖലയിൽ ഭീകരൻ കടന്നുകയറിയതിൽ സുരക്ഷാവീഴ്ചയുണ്ടെന്നും ഔദ്യോഗിക വാഹനത്തിൽ അകത്തുകടന്നിരിക്കാമെന്നും പ്രവിശ്യാ പൊലീസ് മേധാവി പറഞ്ഞു. ഭീകരവിരുദ്ധസേനയാണ് കേസ് അന്വേഷിക്കുന്നത്. ആക്രമണത്തെ ഇന്ത്യ അപലപിച്ചു. യുഎൻ സെക്രട്ടറി ജനറൽ അന്റോണിയോ ഗുട്ടെറസും ഭീകരാക്രമണത്തെ അപലപിച്ചു. ഭീകരരെ ഉപയോഗിച്ച് ഇന്ത്യൻ അതിർത്തികളിൽ പ്രശ്നങ്ങൾ സൃഷ്ടിച്ചുകൊണ്ടിരുന്ന പാകിസ്ഥാൻ ഇപ്പോൾ അഫ്‌ഗാൻ അതിർത്തികളിലെ താലിബാൻ ഭീകരർ ഇന്ന് വലിയ തലവേദന സൃഷ്ടിക്കുകയാണ്.