പ്രതീകാത്മക ചിത്രം
വാഷിങ്ടൺ : ആഗോള രാഷ്ട്രീയത്തിൽ സമാധാനത്തിന്റെ ഇടനിലക്കാരനായി ചമയുന്ന പാകിസ്ഥാന്റെ മുഖംമൂടി അഴിഞ്ഞുവീഴുന്നു. അമേരിക്കയും ഇറാനും തമ്മിലുള്ള സംഘർഷം തുടരുന്നതിനിടെ ഇറാന്റെ സൈനിക വിമാനങ്ങൾക്ക് പാകിസ്ഥാൻ രഹസ്യമായി താവളമൊരുക്കിയെന്ന റിപ്പോർട്ടുകളാണ് ഇപ്പോൾ പുറത്തുവരുന്നത്. റാവൽപിണ്ടിയിലെ നൂർ ഖാൻ വ്യോമതാവളത്തിൽ ഇറാനിയൻ യുദ്ധവിമാനങ്ങൾ പാർക്ക് ചെയ്യാൻ പാകിസ്ഥാൻ അനുമതി നൽകിയെന്ന യുഎസ് ഉദ്യോഗസ്ഥരുടെ വെളിപ്പെടുത്തൽ രാജ്യാന്തര തലത്തിൽ വലിയ ചർച്ചയായിരിക്കുകയാണ്. അമേരിക്കയുടെ വ്യോമാക്രമണങ്ങളിൽ നിന്ന് ഇറാനിയൻ ആസ്തികളെ സംരക്ഷിക്കാനാണ് ഇസ്ലാമാബാദ് ഇത്തരമൊരു നീക്കം നടത്തിയതെന്നാണ് സൂചന.
സംഭവം വിവാദമായതോടെ പാകിസ്ഥാന്റെ നയതന്ത്ര നിലപാടിനെതിരെ ശക്തമായ വിമർശനവുമായി യുഎസ് സെനറ്റർ ലിൻഡ്സെ ഗ്രഹാം രംഗത്തെത്തി. പാകിസ്ഥാൻ ഒരു നിഷ്പക്ഷ മധ്യസ്ഥനാണെന്ന വാദത്തിൽ ഇനി വിശ്വാസമില്ലെന്നും, റിപ്പോർട്ടുകൾ ശരിയാണെങ്കിൽ പാകിസ്ഥാനുമായുള്ള നയതന്ത്ര ബന്ധം അമേരിക്ക പുനഃപരിശോധിക്കേണ്ടി വരുമെന്നും അദ്ദേഹം മുന്നറിയിപ്പ് നൽകി. ഇസ്രായേലിനെതിരെ നേരത്തെ പാക് പ്രതിരോധ ഉദ്യോഗസ്ഥർ നടത്തിയ പ്രസ്താവനകൾ കൂടി കണക്കിലെടുക്കുമ്പോൾ, ഇറാനെ സഹായിക്കുന്ന ഈ നീക്കം അപ്രതീക്ഷിതമല്ലെന്നും ഗ്രഹാം കൂട്ടിച്ചേർത്തു. സമാധാന ചർച്ചകൾക്ക് ചുക്കാൻ പിടിക്കുന്നു എന്ന് അവകാശപ്പെടുമ്പോഴും തിരശ്ശീലയ്ക്ക് പിന്നിൽ പാകിസ്ഥാൻ ഇറാനെ സഹായിക്കുന്നത് ഇരട്ടത്താപ്പാണെന്നാണ് വാഷിംഗ്ടണിന്റെ വിലയിരുത്തൽ.
അമേരിക്കൻ പ്രസിഡന്റ് ഡൊണാൾഡ് ട്രമ്പും ചൈനീസ് പ്രസിഡന്റ് ഷി ജിൻപിംഗും തമ്മിലുള്ള നിർണ്ണായക കൂടിക്കാഴ്ച നടക്കാനിരിക്കെ പുറത്തുവന്ന ഈ വിവരങ്ങൾ പാകിസ്ഥാനെ പ്രതിരോധത്തിലാക്കിയിട്ടുണ്ട്. ഏപ്രിൽ ആദ്യം ട്രമ്പ് പ്രഖ്യാപിച്ച വെടിനിർത്തൽ നിലനിൽക്കെയാണ് അതീവ സുരക്ഷാ പ്രാധാന്യമുള്ള നൂർ ഖാൻ വ്യോമതാവളം ഇറാനിയൻ സൈന്യത്തിനായി പാകിസ്ഥാൻ തുറന്നുകൊടുത്തത്. എന്നാൽ ഈ ആരോപണങ്ങൾ പാകിസ്ഥാൻ പൂർണ്ണമായും നിഷേധിച്ചു. അഫ്ഗാനിസ്ഥാനിലും ഇറാനിയൻ വിമാനങ്ങൾ എത്തിയതായി റിപ്പോർട്ടുകളുണ്ടെങ്കിലും താലിബാൻ ഭരണകൂടവും ഇത് നിഷേധിച്ചിട്ടുണ്ട്. മേഖലയിൽ സമാധാനം കൊണ്ടുവരാൻ ശ്രമിക്കുന്നുവെന്ന് നടിക്കുകയും അതേസമയം തന്നെ സൈനിക താല്പര്യങ്ങൾക്കായി ഇറാനുമായി കൈകോർക്കുകയും ചെയ്യുന്ന പാകിസ്ഥാന്റെ നടപടി അവരുടെ വിശ്വാസ്യതയ്ക്ക് കനത്ത ആഘാതമാണ് ഏൽപ്പിച്ചിരിക്കുന്നത്.
പട്ടാമ്പിയിൽ ആൺസുഹൃത്തിനെതിരെ ക്വട്ടേഷൻ ആക്രമണം ആസൂത്രണം ചെയ്തെന്ന കേസിൽ പ്രതിസ്ഥാനത്തുള്ള പെൺകുട്ടികളുടെ പങ്കാണ് ഇപ്പോൾ ചർച്ചയാകുന്നത്. ആൺസുഹൃത്തിന്റെ അമിത നിയന്ത്രണവും…
വൈദ്യുതി വാങ്ങൽ തീരുമാനങ്ങളെച്ചൊല്ലി സർക്കാരിനുള്ളിൽ ഉയർന്ന ഭിന്നത ഭരണതലത്തിലെ ഏകോപനക്കുറവിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെയാണ് നിർണായക ഇടപെടലുണ്ടായത്. ജി.എൻ.എയുമായുള്ള വൈദ്യുതി…
ആഗോളതലത്തിൽ ഭാരതത്തിലേക്കുള്ള വിനോദസഞ്ചാരം, വ്യാപാരം, ചികിത്സ, ഉന്നതവിദ്യാഭ്യാസം എന്നിവയെ പ്രോത്സാഹിപ്പിക്കുന്നതിനായി കേന്ദ്ര ആഭ്യന്തര മന്ത്രാലയം വിസ നടപടിക്രമങ്ങളിൽ വിപ്ലവകരമായ പരിഷ്കാരങ്ങൾ…
കേരളത്തിന്റെ സാംസ്കാരിക ചരിത്രത്തിൽ സമാനതകളില്ലാത്ത സാമൂഹിക മാറ്റത്തിന് വഴിതുറന്ന ചരിത്രപ്രസിദ്ധമായ ക്ഷേത്രപ്രവേശന വിളംബരത്തിന് ഇന്ന് തൊണ്ണൂറ്റാണ്ട് തികയുന്നു. ജാതിവ്യവസ്ഥയുടെയും അടിയുറച്ച…
പ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ ദീപാവലി പൊങ്കാല ഭക്തിനിർഭരമായി നടത്തുന്നതിനുള്ള മുന്നൊരുക്കങ്ങൾ ചർച്ച ചെയ്യുന്നതിനായുള്ള അവലോകന യോഗം നാളെ നടക്കും.…
ഉത്തർപ്രദേശിലെ ബാഗ്പത് ജില്ലയിൽ ദീപാവലി ആഘോഷത്തിനിടെ പടക്കം പൊട്ടിച്ചതിനെച്ചൊല്ലിയുണ്ടായ തർക്കം വെടിവെപ്പിൽ കലാശിച്ചു. രാഷ്ട്രപതിയുടെ അംഗരക്ഷക സംഘമായ പ്രസിഡന്റ്സ് ബോഡിഗാർഡിൽ…