കൊച്ചി: പാലാരിവട്ടം പാലം അഴിമതി കേസ് പുതിയ വഴിത്തിരുവിൽ. പാലം അഴിമതി കേസില് കരാറുകാരന് വായ്പ അനുവദിച്ച ഉത്തരവിൽ ഒപ്പിട്ട എല്ലാ ഉദ്യോഗസ്ഥരേയും പ്രതികളാക്കി. ഇതോടെ കേസിലെ മൊത്തം പ്രതികള് പതിനേഴായി. പൊതുമരാമത്ത് വകുപ്പിലെ ഉന്നത ഉദ്യോഗസ്ഥരെയാണ് പ്രതി ചേര്ത്തിരിക്കുന്നത്. സ്പെഷ്യൽ സെക്രട്ടറി കെ സോമരാജൻ, അണ്ടർ സെക്രട്ടറി ലതാകുമാരി, അഡീഷണൽ സെക്രട്ടറി സണ്ണി ജോണ്, ഡെപ്യൂട്ടി സെക്രട്ടറി പി.എസ് രാജേഷ് എന്നിവരെയാണ് പ്രതികളാക്കിയത്. കിറ്റ്കോയുടെ രണ്ട് ഉദ്യോഗസ്ഥര് കൂടി അഴിമതി കേസില് പ്രതി ചേര്ത്തു. എഞ്ചിനീയര് എ.എച്ച് ഭാമ, കണ്സൽട്ടൻറ് ജി സന്തോഷ് എന്നിവരെയാണ് പ്രതി ചേര്ത്തത്