തിരുവനന്തപുരം: പീഡനം ഉൾപ്പെടെയുള്ള കുറ്റങ്ങൾ ചുമത്തപ്പെട്ട പെരുമ്പാവൂര് എം എല്എ എല്ദോസ് കുന്നപ്പിള്ളി ഒളിവില്തുടരുന്നു.എംഎൽഎയുടെ മുന്കൂര് ജാമ്യാപേക്ഷ കോടതി നാളെ പരിഗണിക്കും. എം എല് എക്ക് കുരുക്ക് മുറുകുകയാണ്.എൽദോസ് കുന്നപ്പള്ളിക്കെതിരെ വിജിലൻസന്വേഷണവുമുണ്ടാകാനും സാധ്യതയെന്നാണ് റിപ്പോർട്ടുകൾ.
കൈക്കൂലി നൽകി പരാതിക്കാരിയെ പിന്തിരിപ്പിക്കാൻ ശ്രമിച്ചുവെന്ന വെളിപ്പെടുത്തലിലാണ് പ്രാഥമിക അന്വേഷണം.കോവളം SHO യുടെ സാനിധ്യത്തിലും കൈക്കൂലി വാഗ്ദാനം ചെയ്തുവെന്ന് പരാതിക്കാരി വെളിപ്പെടുത്തിയിരുന്നു. കഴിഞ്ഞ മൂന്ന് ദീവസമായി എംഎല്എ എവിടെയാണെന്ന് ആര്ക്കും അറിയില്ല. പെരുമ്പാവൂരിലെ എംഎല്എയുടെ ഓഫീസ് അടഞ്ഞുകിടക്കുകയാണ്.
എന്നാൽ, കുറ്റക്കാരനെങ്കില് കോണ്ഗ്രസ് നേതാവും എം.എല്.എ.യുമായ എല്ദോസ് കുന്നപ്പിള്ളിക്കെതിരേ കര്ശന നടപടി സ്വീകരിക്കുമെന്ന് കെ.പി.സി.സി. തെറ്റുകാരനെന്ന് തെളിഞ്ഞാല് പാര്ട്ടിയില്നിന്ന് തന്നെ പുറത്താക്കുമെന്ന് കെ.പി.സി.സി. അധ്യക്ഷന് കെ.സുധാകരന് പറഞ്ഞു. അന്വേഷണത്തിനായി ഒരു കമ്മിഷനേയും കോണ്ഗ്രസ് വെയ്ക്കില്ല. എല്ദോസിനോട് വിശദീകരണം ചോദിച്ചിട്ടുണ്ട്. വിശദീകരണത്തിന്റെ ഉത്തരം കിട്ടിയാല് കേസിനെ ആസ്പദമാക്കി നടപടി സ്വീകരിക്കുമെന്നും കെ.സുധാകരന് പറഞ്ഞു.
