വളർത്തുനായ്ക്കളെ വിഷം നൽകി കൊലപ്പെടുത്തി : പരാതിയുമായി ഉടമസ്ഥർ

കൊച്ചി : വളർത്തുനായ്ക്കളെ വിഷം കൊടുത്ത് കൊലപ്പെടുത്തി. വിഷം കലർത്തിയ ഭക്ഷണം നൽകിയാണ് നായ്ക്കളെ കൊലപ്പെടുത്തിയത്. കാഞ്ഞിരത്തിൻ്റെ തൊലി ഇറച്ചിയിലിട്ട് വേവിച്ച് നൽകുകയായിരുന്നു. ഇന്ന് രാവിലെയാണ് നായ്ക്കളെ കൂടുകളിൽ ചത്ത നിലയിൽ കണ്ടെത്തിയത്.

സംഭവത്തെ തുടർന്ന് മൂന്ന് നായ്ക്കൾ ചത്തു. ഒരെണ്ണം മരണ തുല്യമായി കിടക്കുകയാണ് . ചെറായി ഗോമതി, എറമ്പിൽ സാറാക്കുട്ടി, താഴത്തേക്കുടി എൽദോസ് എന്നിവരുടെ വളർത്തുനായ്ക്കളെയാണ് വീട്ടിൽ ചത്ത നിലയിൽ കണ്ടെത്തിയത്. ആരാണ് ഇത് ചെയ്തതെന്ന് വ്യക്തമല്ല. ഇവർ പോലീസിൽ പരാതി നൽകിയിട്ടുണ്ട്.