Sunday, November 22, 2026

സ്വാതന്ത്യദിനത്തില്‍ അമേരിക്കന്‍ പ്രസിഡന്റിന് ആശംസയുമായി പ്രധാനമന്ത്രി നരേന്ദ്രമോദി

ദില്ലി : അമേരിക്കയുടെ ഇരുനൂറ്റിനാല്‍പ്പത്തിയഞ്ചാം സ്വാതന്ത്യദിനത്തില്‍ പ്രസിഡന്റ് ജോബൈഡന് ആശംസയറിയിച്ച് പ്രധാനമന്ത്രി നരേന്ദ്രമോദി. ലോകത്തെ
പ്രധാനപ്പെട്ട ജനാധിപത്യരാജ്യങ്ങളെന്ന നിലയില്‍ ഇന്ത്യയും അമേരിക്കയും സ്വാതന്ത്യത്തിന്റ മൂല്യങ്ങള്‍ പങ്ക് വെയ്ക്കുന്നവരാണെന്ന് അദ്ദേഹം ചൂണ്ടിക്കാട്ടി.
ഇരു രാജ്യങ്ങളും തമ്മിലുള്ള നയതന്ത്രരപരമായ പങ്കാളിത്തത്തിന് ആഗോള പ്രാധാന്യം വര്‍ദ്ധിച്ചിരിക്കുന്നതായും പ്രധാനമന്ത്രി അഭിപ്രായപ്പെട്ടു. അമേരിക്കയുമായി
കേന്ദ്രസര്‍ക്കാരിന് മികച്ച ബന്ധമാണുള്ളത്. നരേന്ദ്രമോദിയുടെ അമേരിക്ക സന്ദര്‍ശന വേളയിലും വന്‍ വരവേല്‍പ്പാണ് ലഭിച്ചത്. കഴിഞ്ഞ വര്‍ഷം നടന്ന യു.എസ്-ഇന്ത്യാ സ്ട്രാറ്റജിക് പാര്‍ട്ണര്‍ഷിപ്പ് ഫോറത്തിന്റെ ഉച്ചകോടിയെ പ്രധാനമന്ത്രി അഭിസംബോധന ചെയ്തിരുന്നു. 1776 ജൂലൈ നാലിനാണ് അമേരിക്കയ്ക്ക് സ്വാതന്ത്യം ലഭിച്ചത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona

Related Articles

Latest Articles