ദിലീപ്കുമാറിന് രാഷ്ട്രത്തിന്റെ ആദരം: അനുശോചിച്ച് പ്രധാനമന്ത്രിയും, രാഷ്ട്രപതിയും

ദില്ലി : അന്തരിച്ച ഇന്ത്യന്‍ സിനിമയുടെ ഇതിഹാസ താരം ദിലീപ്കുമാറിന് ആദരാഞ്ജലിയര്‍പ്പിച്ച് പ്രധാനമന്ത്രിയും രാഷ്ട്രപതിയും. ചലച്ചിത്ര ഇതിഹാസം എന്ന നിലയില്‍ ദിലീപ്കുമാര്‍ എക്കാലവും ഓര്‍മ്മിക്കപ്പെടുമെന്നും അദ്ദേഹത്തിന്റെ വേര്‍പാട് സാംസ്‌ക്കാരിക ലോകത്തിന് കനത്ത നഷ്ടമാണെന്നും പ്രധാനമന്ത്രി
പറഞ്ഞു. ദിലീപ്കുമാറിന്റെ കുടുംബത്തിനും സുഹൃത്തുക്കള്‍ക്കും ആരാധകര്‍ക്കും അനുശോചനം അര്‍പ്പിക്കുന്നതായി നരേന്ദ്രമോദി ട്വിറ്ററില്‍ കുറിച്ചു.

ദിലീപ് കുമാറിന്റെ വേര്‍പാടോടെ ഒരു യുഗം അവസാനിച്ചു എന്നാണ് രാഷ്ട്രപതി രാംനാഥ് കോവിന്ദ് അനുശോചന സന്ദേശത്തില്‍ പറഞ്ഞത്. ദിലീപ്കുമാര്‍ എല്ലാക്കാലവും ഇന്ത്യാക്കാരുടെ ഹൃദയങ്ങളില്‍ ജീവിക്കുമെന്നും രാഷ്ട്രപതി ചൂണ്ടിക്കാട്ടി. മുംബൈയിലെ സ്വകാര്യ ആശുപത്രിയിലാണ് ദിലീപ്കുമാര്‍ അന്തരിച്ചത്.
ദീര്‍ഘനാളായി അദ്ദേഹം ചികിത്സയില്‍ കഴിയുകയായിരുന്നു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona