പിതാവിന്റെ അക്രമങ്ങളെ തുടർന്ന് മാതാവ് വീടുവിട്ടുപോയി; തക്കസമയം നോക്കി മകളെ പീഡിപ്പിച്ചു; സംഭവം പുറം ലോകം അറിഞ്ഞതിങ്ങനെ: പിതാവിന് 107 വർഷം കഠിന തടവ്

പത്തനംതിട്ട: മകളെ പീഡിപ്പിച്ച പിതാവിന് 107 വർഷം കഠിന തടവും 4 ലക്ഷം രൂപ പിഴയും ശിക്ഷ. പത്തനംതിട്ട പ്രിൻസിപ്പൽ പോക്സോ കോടതിയാണ് 107 വർഷം കഠിന തടവിനും 4 ലക്ഷം രൂപ പിഴയും വിധിച്ചത്.

കുമ്പഴ സ്വദേശിയായ 45 വയസുകാരനായ പിതാവിനായിരുന്നു ശിക്ഷ ലഭിച്ചത്. 40 ശതമാനം മാനസിക വെല്ലുവിളി നേരിടുന്ന പെൺകുട്ടി പിതാവിനോടൊപ്പം സ്വഭവനത്തിൽ താമസിച്ചുവരവേയാണ് കുറ്റകൃത്യം നടന്നത്. പിതാവിന്റെ അക്രമങ്ങളെ തുടർന്ന് കുട്ടിയുടെ മാതാവ് നേരത്തെ തന്നെ ഇവരെ ഉപേക്ഷിച്ച് പോയിരുന്നു. ഇതിനുശേഷമായിരുന്നു ഇയാൾ കുട്ടിയെ ഉപദ്രവിക്കാനുള്ള ശ്രമങ്ങൾ തുടങ്ങിയത്.

ദാരുണമായ സംഭവം പുറംലോകം അരിഞ്ഞത് കുട്ടി സ്കൂളിലെത്തി അദ്ധ്യാപകരോട് വിവരം പങ്കുവച്ചതോടെയായിരുന്നു. തുടർന്ന് സ്കൂൾ അധികൃതർ പോലീസിനെ അറിയിക്കുകയും പോക്സോ കേസ് ചുമത്തി പിതാവിനെ അറസ്റ്റ് ചെയ്യുകമായിരുന്നു.