കൊച്ചി: കിഴക്കമ്പലത്ത് ഇതരസംസ്ഥാന തൊഴിലാളികള് പൊലീസിനെ (Police) ആക്രമിച്ച കേസില് പൊലീസ് കുറ്റപത്രം സമർപ്പിച്ചു. കോലഞ്ചേരി ജുഡീഷ്യൽ മജിസ്ട്രേറ്റ് കോടതിയിലാണ് കുറ്റപത്രം നൽകിയത്. 75 പേര്ക്കെതിരേ 524 പേജുള്ള കുറ്റപത്രമാണ് സമര്പ്പിച്ചത്. നിയമവിരുദ്ധമായി സംഘം ചേര്ന്ന് കലാപം നടത്തല്. മാരകായുധങ്ങള് കൈവശം വയ്ക്കല്, പൊതുമുതല് നശിപ്പിക്കല്, ഔദ്യോഗിക കൃത്യനിര്വഹണം തടസപ്പെടുത്തില് എന്നീ കുറ്റങ്ങളാണ് ചുമത്തിയിട്ടുള്ളത്.
കഴിഞ്ഞ ഡിസംബര് രാത്രി പൊലീസിനെ ആക്രമിച്ച കേസില് കിറ്റെക്സ് കമ്പനിയില് തൊഴിലെടുക്കുന്ന 174 പേരാണ് അറസ്റ്റിലായത്. ഇതില് 51 പ്രതികള്ക്കെതിരെയാണ് ഗുരുതര വകുപ്പുകള് ചുമത്തിയത്. എന്നാല് നിസാര വകുപ്പുകള് ചുമത്തിയ 120 പ്രതികള് പോലും റിമാന്ഡ് കാലാവധി പൂര്ത്തിയാക്കിയിട്ടും ജയിലില് തുടരുന്നു.
