താലിബാന് തുറന്ന പിന്തുണയുമായി പോപ്പുലർഫ്രണ്ട്‌; ഇന്ത്യ ഭീകരവാദി ഭരണകൂടവുമായി നയതന്ത്ര ബന്ധ സ്ഥാപിക്കണമെന്ന് ആവശ്യം!

ദില്ലി: താലിബാൻ അഫ്ഗാനിസ്ഥാനിൽ മികച്ച ഭരണം കാഴ്ച വെക്കുമെന്ന് പോപ്പുലർ ഫ്രണ്ട്. മാത്രമല്ല അഫ്ഗാനിസ്ഥാനിൽ താലിബാൻ നടത്തിയത് അമേരിക്കൻ അധിനിവേശത്തിനെതിരായ പ്രതിരോധമാണെന്ന് ദേശീയ മാധ്യമത്തിന് നൽകിയ അഭിമുഖത്തിൽ പോപ്പുലർ ഫ്രണ്ട് നേതാവ് പാറപ്പുറത്ത് കോയ പറഞ്ഞു. ഇത് വിയറ്റ്നാമിലെയും ബൊളീവിയയിലെയും സാമ്രാജ്യത്വ വിരുദ്ധ പോരാട്ടങ്ങൾക്ക് തുല്യമാണെന്നും കോയ കൂട്ടിച്ചേർത്തു.താലിബാനെ പിന്തുണയ്ക്കുന്ന രീതിയിലാണ് കോയ സംസാരിച്ചത്.

കൂടാതെ പാശ്ചാത്യ മാധ്യമങ്ങൾ പുറത്തു വിടുന്നത് യഥാർത്ഥ താലിബാന്റെ ചിത്രമല്ലെന്നും യാഥാർത്ഥ്യം അവയിൽ നിന്നൊക്കെ അകലെയാണെന്നും പോപ്പുലർ ഫ്രണ്ട് ഓഫ് ഇന്ത്യ ദേശീയ എക്സിക്യൂട്ടീവ് കമ്മിറ്റി അംഗം പാറപ്പുറത്ത് കോയ പറയുന്നു. കേന്ദ്ര സർക്കാർ താലിബാനെക്കുറിച്ചുള്ള മുൻവിധി അവസാനിപ്പിച്ച് അവരുമായി നയതന്ത്ര ബന്ധം ആരംഭിക്കണമെന്നും കോയ പറയുന്നുണ്ട്.

മാത്രമല്ല അമേരിക്കൻ അധിനിവേശ കാലത്ത് അഫ്ഗാൻ ജനത കൊടിയ പീഡനങ്ങൾ അനുഭവിച്ചിരുന്നതായി കോയ വാദിക്കുന്നുണ്ട്. അമേരിക്ക അവരോധിച്ച അഷറഫ് ഗനി സർക്കാർ അഴിമതി നടത്തിയെന്നും അതാണ് താലിബാന് കാര്യങ്ങൾ എളുപ്പമാക്കിയതെന്നും പാറപ്പുറത്ത് കോയ വിശദീകരിക്കുന്നു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona