2021ൽ ഇന്ത്യക്കാർ രാത്രിയിൽ ഓർഡർ ചെയ്തത് ഇതാണ്; അതിശയിപ്പിക്കുന്ന കണക്കുകൾ ഇങ്ങനെ

ദില്ലി: 2021ൽ ഇന്ത്യക്കാർ ഏറ്റവുമധികം ഓർഡർ ചെയ്തത ഭക്ഷണം ബിരിയാണിയെന്ന് ഓൺലൈൻ ഫുഡ് ഡെലിവറി പ്ലാറ്റ്‌ഫോമായ സ്വിഗി. ഒരു മിനിറ്റിൽ 115 ബിരിയാണി വീതം വിറ്റുപോയെന്നാണ് സ്വിഗ്ഗിയുടെ വാർഷിക റിപ്പോർട്ടിൽ പറയുന്നത്.

രാത്രി പത്ത് മണിക്ക് ശേഷം ഇന്ത്യക്കാർ ഏറ്റവുമധികം ഓർഡർ ചെയ്ത ഭക്ഷണം ഏതാണെന്നും റിപ്പോർട്ടിൽ പറയുന്നുണ്ട്. ചീസ് ഗാർലിക് ബ്രഡും പോപ്കോണും ഫ്രഞ്ച് ഫ്രൈസുമാണ് രാത്രി പത്ത് മണിക്ക് ശേഷം ഏറ്റവുമധികം ഓർഡർ ചെയ്തത്. സ്വഗിയുടെ കണക്കുകൾ പ്രകാരം ഇന്ത്യക്കാർക്ക് ബിരിയാണിയോടും മധുരാഹാരങ്ങളോടുമുള്ള ഇഷ്ടത്തിൽ കുറവ് വന്നിട്ടില്ലെന്നാണ് വ്യക്തമാക്കുന്നത്.

ഹെൽത്തി ഫുഡിന് വേണ്ടിയുള്ള അന്വേഷണത്തിലും വലിയ വർധനവുണ്ടായി. ഇത്തരം ഭക്ഷണശാലകളിലേക്കുള്ള ഓർഡറുകളുടെ എണ്ണം 200 ശതമാനം വർധിച്ചു. ബെംഗളൂരുവിലാണ് ഈ ശീലക്കാർ കൂടുതലുള്ളത്. അതേസമയം സ്പെയിനിലെ ലോകപ്രശസ്തമായ തക്കാളി ഉൽസവം 11 വർഷത്തേക്ക് നടത്താൻ ആവശ്യമായ തക്കാളിയാണ് ഇന്ത്യയിൽ ബിരിയാണി നിർമ്മാണത്തിനായി ഉപയോഗിച്ചതെന്ന് സ്വിഗിയുടെ റിപ്പോർട്ടിൽ പറയുന്നു.